Romanos 2:6 - Kaqchiquel Bible

⁶ Roma rija' kan achi'el ri qabanobal chiqajujunal,*f2* kan keri' ri rutojbalil ri xtuya' chiqe.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Rijaꞌ kin xtuyaꞌ rajel-rukꞌexel ri utz o ma utz ta xekibꞌanalaꞌ ri wineq chikijununal pa kikꞌaslen atoq nduqaqa ri qꞌij riꞌ.

Kaqchikel Santa Maria de Jesus

⁶ Ruma xtuyaꞌ rucꞌaxiel chica chiquijunal, conforme ri xquiꞌan.

Kaqchikel Central Guatemala

⁶ Roma can achi'el ri kabanobal chikajujunal, queri' ri rutojbalil ri xtuya' chike.

Re C'ac'a Testamento pa Kach'abal

⁶ Roma can ancha'l re kabanabal can quire' re castigo re xtuya' re Dios chaka cada jun.

Kaqchikel Western Solola

⁶ Ruma can achi'el niquibanala' chiquijujunal ri winek wi utz o ma utz ta, can queri' chuka' ri rutojbalil ri xtuya' chique.

Romanos 2:6 ပူးပေါင်းရင်းမြစ်များ

Wuj Richin Bix Chire ri Dios 62:12

Ajaw, rat kan at joyowanel, kan qitzij wi chi rat xtaya' rajel ruk'exel ri rusamaj ri wineq.

Wuj Richin ri Jeremías 32:19

Rat kan janila at nim rik'in ri apixabanik y at nimalej rik'in ronojel ri naben. Rat natz'et ronojel ri yekiben ri winaqi' y chikijujunal naya' rutojbalil pa kiwi' achi'el ri ruk'amon.

2 Corintios 5:10

Niqaben re' roma kan qonojel roj k'o chi yojapon na chuwech ri ruq'atbal-tzij ri Cristo, y chiqajujunal niqak'ul na k'a rajel-ruk'exel ri qabanobal toq xojk'oje' chupan re ch'akulaj chuwech re ruwach'ulew; wi utz xqaben o man utz ta.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Apocalipsis 22:12

Kan qitzij chi noqaqa yan ri q'ij chi yin yipe richin nonya' ruk'exel chike chikijujunal achi'el rubanik ri kibanobal.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.

1 Corintios 3:8

Yin ri xitiko ri ruch'abel ri Dios pa taq iwánima, y ri qach'alal ri xsamajin ri ch'abel ri', chi oj ka'i' xa oj junan y junan k'a xtiqak'ul rajel-ruk'exel ri samaj ri xqaben.

Wuj Richin ri Achin Job 34:11

Roma rija' kan nuya' rutojbalil chire ri wineq roma ri rubanik ri rusamaj, kan nuben chuqa' chi niqaqa rutojbalil pa ruwi', ri ruk'amon chi nuk'ul roma ri rubanik ri ruk'aslen.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Wuj Richin Etamabel-Tzij 24:12

Y stape' rat xtabij: Xa man xqetamaj ta, roma ri' man xojto'on ta. ¿Kan man niq'ax ta kami chuwech ri retaman ri achike k'o pan awánima? Ri jun ri kan rutzuliben ri achike rubanik ri ak'aslen, kan retaman ri achike ri nach'ob; y rija' kan xtuya' ruk'exel chawe, roma ri rubanik ri ak'aslen.

Romanos 14:22

Más utz xaxe rat y ri Dios kixetaman ri achike nawajo' naben. Wi kan utz wi ronojel ri naben y wi keri' nubij ri awánima, jebel ruwa-aq'ij.

Wuj Richin Etamabel-Tzij 24:2

Roma rije' xa ruyon etzelal ri yekich'obola' pa taq kánima; y ri kich'abel kan ruyon richin yekibila' ri achike etzelal ri nikajo' nikiben chire jun chik.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin ri Molojri'il 3:17

Y roma ri' yin xinch'ob pa wánima, ri choj kik'aslen y ri man choj ta kik'aslen ja ri Dios xtibeq'aton-tzij pa kiwi' roma kan xtapon k'a ruq'ijul richin nibanatej ronojel ri'.

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

Ez 36:19

Y richin xinya' rutojbalil-mak pa kiwi', xentaluj chikiwech tzobaj taq winaqi' richin ch'aqa' chik ruwach'ulew. Y keri' xinq'et-tzij pa kiwi' achi'el ri kibanobal.

2 Corintios 11:15

Xa roma ri', man k'ak'a' ta chi ri e rusamajela' nikibananej chi kan e samajela' richin ri ruchojmilal. Jak'a ri pa ruk'isibel xa xtikik'ul k'a ruk'ayewal, achi'el ri nuk'utuj ri itzel taq kibanobal.

2 Timoteo 4:14

Ri Alejandro ri samajiy-ch'ich', k'iy k'a itzel ri rubanon chuwe. Ri Dios kan xtuya-wi k'a ri rutojbalil chire, kan achi'el ri rubanobal.

Wuj Richin Etamabel-Tzij 26:10

Ri wineq ri nuya' rusamaj ri xa maneq runa'oj, o nuya' rusamaj ri xa niq'oran pa bey, kan junan rik'in ri wineq ri nuk'aqala' ch'ab xabakuchi.