Romanos 11:4 - Kaqchiquel Bible

⁴ ¿Y achike xubij ri Dios chire ri Elías? Ri Dios xubij:*f41* Yin e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Pero, ¿achike xubꞌij pe ri Dios chare? Ri Dios kereꞌ xubꞌij: Ma ayon ta ratkꞌo, porque riyin kꞌa enukolon 7,000 achiꞌaꞌ chin ndikiyaꞌ nuqꞌij, achiꞌaꞌ ri ma jumbꞌey kiqꞌochon kichꞌek chuwech ri tiox rubꞌiniꞌan Baal. Keriꞌ xubꞌij ri Dios chare ri Elías.

Kaqchikel Santa Maria de Jesus

⁴ ¿Y chica xuꞌej ri Dios cha ri Elías? Ri Dios xuꞌej: Man ayuon ta atcꞌo can. Cꞌa icꞌo i-siete (ivukuꞌ) mil ri icꞌo can, ri man quiyoꞌn ta rukꞌij ri ídolo Baal. Quireꞌ xuꞌej ri Dios cha ri Elías.

Kaqchikel Central Guatemala

⁴ ¿Y achique xubij ri Dios chire ri Elías? Ri Dios xubij: Man ayon ta atc'o viq'uin. C'a ec'o na vuku' mil ri ec'o viq'uin, ri man quiyo'on ta ruk'ij ri vachibel rubini'an Baal. Queri' xubij ri Dios chire ri Elías.

Re C'ac'a Testamento pa Kach'abal

⁴ ¿Y andex como xubij re Dios cha re Elías? Re Dios xubij: Man ayon-ta rat yatc'o viq'uin. C'a jec'o vuku' mil re man quiyi'on-ta ruk'ij re imagen rubini'an Baal. Quire' xubij re Dios cha re Elías.

Kaqchikel Western Solola

⁴ ¿Y achique xubij ri Dios chare ri Elías? Ri Dios xubij: Ma ayon ta yitc'o wuq'ui. C'a yec'o na wuku' mil ri yec'o wuq'ui, ri majun bey ye xucul ta chuwech ruwachbel ri Baal riche (rixin) chi niquiya' ruk'ij. Queri' xubij ri Dios chare ri Elías.

Romanos 11:4 ပူးပေါင်းရင်းမြစ်များ

1 Rey 19:18

Jak'a yin kan e nuch'aron kan e 7,000 winaqi' aj-Israel ri man xexuke' ta chikiwech ri Baal ni man xkitz'ubaj ta, xcha' ri Jehová.

Wuj Richin ri Q'axanri'il 25:3

Y keri' ri winaqi' kan xkiju-apo-ki' richin nikiya' ruq'ij ri Baal-peor. Y ri Jehová xyakatej k'a janila royowal chikij ri winaqi' israelita.

Wuj Richin ri Sofonías 1:4

Xtinteq-pe ruk'ayewal pa ruwi' ri tinamit Jerusalem y chijun ri ruwach'ulew Judá. Xkenk'is-el konojel ri ruwachibel ri Baal. Chuqa' xkenk'is ri e sacerdote ri nikisamajij;

Os 2:8

Jak'a rija' xa man xuya' ta rejqalen chi ri trigo, ri vino y ri aceite xa ja yin ri in yoyon chire. Ri q'anapueq y ri saqipueq ri kan pa ruk'iyal nuya'on chire, xa chire ri Baal xusuj-wi.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Wuj Kichin ri To'onela' 2:13

Xkimalij k'a kan ri Jehová, y xkiya' ruq'ij ri Baal y ri dios ixoq rubini'an Astarot.

Os 13:1

Pa nabey kan, toq ri winaqi' richin ri tinamit Efraín yech'on, kan konojel k'a ri ch'aqa' chik tzobaj ye'ak'axan kichin, roma kan k'o kikiy. Kan xnimirisex k'a kiq'ij koma ri kach'alal. Jak'a toq xemakun roma xkiya' kiq'ij ri Baal, xa xek'is.

1 Rey 16:31

Ri Acab kan man xuch'ob ta juba' chi xa mak ri xerubanala' ri Jeroboam ri ruk'ajol ri Nabat, y kan jari' ri xuchop rubanik rija'. Pa ruwi' ri' kan xk'ule' rik'in jun ixoq rubini'an Jezabel, rumi'al ri Et-baal rey kichin ri aj-Sidón. Ri Acab xuchop k'a rusamajixik y ruya'ik ruq'ij ri Baal.

Deut 4:3

Rix xitz'et ri achike xuben ri Jehová kik'in ri qawinaq ri xkiya' ruq'ij ri Baal chiri' pa juyu' Peor; roma kan konojel ri qawinaq ri xetzeqeliben ri wachibel Baal, kan xeruk'is ri Jehová ri qa-Dios.

1 Rey 19:10

Y ri Elías xubij chire: Jehová Dios k'iytisanel richin ronojel: Yin kan at nutzeqeliben k'a pe y man jun bey at nuya'on kan. Jak'a ri nuwinaq israelita xa xkich'er kan ki' chire ri ajikibel-tzij. Xekiwulaj-el ri porobel akuchi niya'ox-wi aq'ij rat, y rik'in espada xekikamisaj ri e q'alajirisey ach'abel. Xaxe chik k'a yin ri xikolotej kan, y wakami yinkikanoj richin nikelesaj chuqa' ri nuk'aslen yin, xcha'.

Wuj Richin ri Isaías 4:3

Ri winaqi' ri xkek'oje' kan pa tinamit Sión kan e ch'aron roma ri Dios.