Romanos 11:1 - Kaqchiquel Bible

¹ ¿Kan qitzij kami chi ri Dios yeretzelaj ri ruwinaq judío? Man keri' ta, roma yin kan wilon ri rutzil ri Dios. Y yin kan in israelita-wi, in rijatzul kan ri Abraham, in richin kan ri tzobaj Benjamín.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Romariꞌ nikꞌutuj razón, ¿la xerumalij kami kan ri Dios ri rutinamit Israel? ¡Ma ke ta riꞌ! Tiyaꞌ cuenta chare chi riyin, yin israelita, chin ru-tribu ri Benjamín, jun riy-rumam kan ri Abraham, y kꞌamon nuwech roma ri Dios.

Kaqchikel Santa Maria de Jesus

¹ Y inreꞌ niꞌej chiva: ¿Ruyoꞌn came can ri Dios ri rutanamit? Man quireꞌ ta. Ruma inreꞌ can in israelita. Y in rumáma can ri Benjamín y ri Benjamín rumáma can ri Abraham.

Kaqchikel Central Guatemala

¹ Y yin ninbij c'a chi ri Dios man e retzelan ta can ri israelitas, ri rutinamit. Roma yin vilon rutzil ri Dios. Y yin can in israelita chuka'. Ri Abraham jari' ri ojer numama', y que chuka' ri' ri Benjamín.

Re C'ac'a Testamento pa Kach'abal

¹ Y vocame nimbij: Re Dios man rutzelan-ta can re rutenemit Israel. Roma yen Pablo yin aj-israelita y nvilon re utzil re pitinak riq'uin re Dios. Y yen yin rey-rumam can re Abraham y chuka' yin rey-rumam can re Benjamín.

Kaqchikel Western Solola

¹ Y riyin ri Pablo nbij c'a chi ri Dios ma ye retzelan ta ca ri israelitas, ri rutinamit. Ruma riyin yin jun israelita y wilon rutzil ri Dios. Yin riy rumam ca ri Benjamín y ri Benjamín jun chique ri ye riy rumam ca ri Abraham.

Romanos 11:1 ပူးပေါင်းရင်းမြစ်များ

2 Corintios 11:22

Rije' nikibij chi e hebreo. Yin chuqa' in hebreo. Nikibij chi e winaqi' israelita. Keri' chuqa' yin. Chi e riy-rumam kan ri Abraham. Yin chuqa' keri'.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.

Filipenses 3:5

roma yin k'a waqxaqi' q'ij kinalex toq xiqupix richin xya'ox wetal. Yin, in jun chuqa' judío, in jun chike ri e rijatzul kan ri Benjamín, in judío pa walaxik. Y pa ruwi' ri pixa' kan xinok jun fariseo.

Hechos 26:4

Ri qawinaq judío kan ketaman k'a pe achike rubanik ri nuk'aslen toq k'a in ak'ual na, keri' ri pa nutinamit y keri' chuqa' ri pa Jerusalem.

Hechos 22:3

Yin kan in jun judío. Xaxe k'a yin xinalex ri pa tinamit Tarso ri k'o pa ruwach'ulew Cilicia, jak'a kan ja re wawe' pa Jerusalem xik'iy-wi. Ja ri nimalej achin ri rubini'an Gamaliel ri xtijon wichin. Xirutijoj k'a rik'in ronojel ri nubij chupan ri pixa' ri ya'on kan chike ri ojer qati't-qamama'. Roma kan rurayibel k'a ri wánima, richin ninben rusamaj ri Dios, achi'el chuqa' ri irayibel chi'iwonojel rix chupan re q'ij re'.

Os 9:17

Ri nu-Dios kan xkerixowaj k'a kan, roma xa man xkinimaj ta rutzij. Rije' kan xkebe-kela' xkebe-kela' xtikiben pa taq ruwach'ulew.

Wuj Richin Bix Chire ri Dios 94:14

Rat Jehová kan man xqojamalij ta k'a kan roj ri oj atinamit. Kan man xqojamalaba' ta kan roj ri xojacha' richin xojok awichin.

Romanos 9:3

Yin kan ninya-wi' richin yinelesex-el rik'in ri Cristo y niqa' ruk'ayewal pa nuwi' richin ta yento'.

Romanos 3:4

Man keri' ta. Ri Dios kan qitzij wi nich'on, stape' konojel winaqi' e tz'ukuy taq tzij. Roma ri' kan tz'ibatel kan chirij ri Dios,*f5* Xtiq'alajin chikiwech ri winaqi' chi kan choj ri ruq'atbel-tzij ri xuya' pa kiwi'. Y kan ruk'amon toq rija' nuya' ruk'ayewal pa kiwi' ri winaqi'.

2 Rey 23:27

K'ari' ri Jehová xubij: Yin kan xkenwelesaj-el chinuwech ri aj-Judá, achi'el xinben kik'in ri aj-Israel. Chuqa' xkenwetzelaj ri aj-Jerusalem ri nucha'on yin akuchi k'o-wi ri jay richin niya'ox nuq'ij, xcha'

Wuj Richin Bix Chire ri Dios 77:7

¿Kan xkirixowaj kami richin q'asen? ¿Kan man chik xtujoyowaj ta kami nuwech?

San Lucas 20:16

Rija' xtipe k'a y xkerukamisaj ri qajoy taq ulew ri', y ri rulew xtuya' chik kan pa qajik chike ch'aqa' chik, xcha' ri Jesús. Toq ri winaqi' kak'axan chik qa ronojel re', xkibij: ¡Man ta jun bey xtibanatej keri'!, xecha'.

Romanos 11:11

¿Kan qitzij kami chi ri qawinaq, richin ta jantape' xetzaq pa ruq'a' ri etzelal roma ri pajk'ibel ri'? Man keri' ta. Ri Dios nrajo' chi nuk'asoj k'a jun itzel rayibel kik'in ri e nuwinaq chikij ri winaqi' man e judío ta, y roma ri' xusuj k'a chuqa' ri kolotajik chike.