Wuj Richin Bix Chire ri Dios 99:9 - Kaqchiquel Bible

⁹ Tinimirisaj ruq'ij ri Jehová ri qa-Dios. Tiqasaj k'a iwi' chuwech rija', roma ri Jehová ri qa-Dios roj kan loq'olej-wi.

Wuj Richin Bix Chire ri Dios 99:9 ပူးပေါင်းရင်းမြစ်များ

San Lucas 1:49

Roma ri Dios ri nitikir nuben ronojel, kan k'iy nima'q taq utzil ri rubanon-pe wik'in. Kan loq'olej-wi ri rubi' rija'.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin ri Isaías 5:16

Ri Jehová ri k'iytisanel richin ronojel kan xtuk'ul runimirinen roma pa ruchojmilal nuq'et-tzij. Ri loq'olej Dios xtuk'ut k'a ri ruch'ajch'ojil toq nuben ri ruchojmilal.

Apocalipsis 4:8

Y ri kaji' ri k'o kik'aslen ox-ox k'a k'ulaj kixik' k'o y kan nojineq ri kij y ri chuxe' taq kixik' rik'in wachaj. Y man yetane' ta k'a qa chuya'ik ruq'ij ri Dios y chi paq'ij chi chaq'a' nikibij: Loq'olej, loq'olej, loq'olej ajaw. Ajaw Dios ri kan k'o ronojel uchuq'a' awik'in. Rat ri kan atk'o-pe pa rutikeribel, ri atk'o wakami y xkak'oje' chuqa' re xtibe-apo, yecha'.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.

Wuj Richin ri Habacuc 1:12

Chirij re' yin xich'on chik rik'in ri Dios y xinbij: Jehová, rat ri at Dios ri atk'o-pe pa rutikeribel. Nimalej Jehová ja rat ri at Loq'olej nu-Dios yin, y at richin tibe-q'ij tibe-seq. Ja rat Jehová xayako-pe kichin re winaqi' re' chiqij, richin xtikiya' ri rutojbalil-mak pa qawi'. Ja rat nimalej to'onel xabanon kichin re winaqi' re', richin xtikiya' ri tijoj-poqonal pa qawi'.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Wuj Richin Bix Chire ri Dios 99:5

Tinimirisaj ruq'ij ri Jehová ri qa-Dios. Kan tixuku-timeja-iwi' chuwech, roma kan xaxe-wi rija' ri loq'olej.

Wuj Richin Bix Chire ri Dios 99:3

Kan tibixex k'a ri rubi' roma rija' kan janila nim y kan k'o rukiy. Kan man jun chik k'o achi'el rija'.

Apocalipsis 3:7

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Filadelfia, y tinbij-el; chi ri Loq'olej, ri qitzij y ri uk'uayon ri llave ri nujeq ruchi' ri rajawaren ri rey David, ri toq nujeq man jun nitz'apen y toq nutz'apej man jun nijaqon, kere' nubij.

Wuj Richin Bix Chire ri Dios 132:7

Keri' xqabij chi xqojok-apo akuchi k'o-wi rija', richin niqaya' ruq'ij akuchi tz'uyul-wi.