Wuj Richin Bix Chire ri Dios 99:7 - Kaqchiquel Bible

⁷ Chupan k'a jun sutz' pa'el chikaj xch'on kik'in. Ri pixa' ri xuya' rija' chike, kan jari' ri xkitaqej.

Wuj Richin Bix Chire ri Dios 99:7 ပူးပေါင်းရင်းမြစ်များ

Ex 33:9

Kan xaxe k'a nok-apo ri Moisés chupan ri jay ri', jari' toq niqaqa-pe ri sutz' pa'el chikaj y nik'oje' chuchi' ri jay ri' y ri Jehová nitzijon k'a rik'in ri Moisés.

Wuj Richin ri Q'axanri'il 12:5

Y jari' toq ri Jehová xqaqa-pe chupan jun achi'el sutz' y xok'oje-qa ri chiri' chuchi' ri rachoch, y kan jari' xeroyoj ri Aarón y ri María. Y chi e ka'i' rije' xebepa'e-apo chuwech.

Deut 4:5

Yin kan nuk'utun chik chiwech rix nuwinaq ri pixa', kan achi'el ri xubij ri Jehová ri qa-Dios chuwe, richin kan nitaqej ronojel ri pixa' chupan ri ruwach'ulew ri akuchi xkixapon-wi ri kan xtiwichinaj kan.

Hebreos 3:2

Ri Cristo Jesús kan xuben-wi ri samaj ri xuya-pe ri Dios chire, achi'el xuben ri Moisés, ri man xerumalij ta kan ri e ruwinaq ri Dios.

Wuj Richin Etamabel-Tzij 28:9

Ri wineq ri xa pa rubanik nuben chi man nrak'axaj ta ri rupixa' ri Dios, toq nich'on-q'anej rik'in ri Dios, kan man xtak'axex ta ri ruch'owen.

Wuj Richin Bix Chire ri Dios 105:28

Xuteq k'a pe jun nimalej q'equ'm pa ruwi' chijun ri ruwach'ulew, jak'a ri aj chiri' xa kan man xkinimaj ta rutzij ri Jehová.

Deut 33:9

Rix kan más k'a xiwajo' ri jikibel-tzij chikiwech ri ite-itata'. Rix kan más k'a xiwajo' xinimaj ri ruch'abel ri Dios chikiwech ri iwach'alal, y ri iwalk'ual.

Ex 40:16

Ri Moisés kan xuben k'a ronojel ri xbix chire roma ri Jehová.

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Wuj Richin ri Q'axanri'il 16:15

Y ri Moisés xyakatej janila royowal y roma ri' xubij chire ri Jehová: Man tak'ul ri kisipanik. Rat kan jebel awetaman chi yin man jun bey numajon ta jun ti bur chuwi-kiq'a' y man jun chik ri nubanon ta chike, xcha' chire.