Wuj Richin Bix Chire ri Dios 99:4 - Kaqchiquel Bible

⁴ Ri rey kan niqa' chuwech ri ruchojmilal. Kan ja rija' ri yoyon re ruchojmilal re' pan Israel. Kan xuben k'a ri ruchojmilal y ri q'atoj-tzij pa kiwi' ri winaqi' israelita.

Wuj Richin Bix Chire ri Dios 99:4 ပူးပေါင်းရင်းမြစ်များ

Wuj Richin Bix Chire ri Dios 11:7

Ri Jehová kan choj y niqa' chuwech ri ruchojmilal; roma ri' ri choj kik'aslen kan xtikitz'et ruwech rija'.

Apocalipsis 19:16

Y chirij ri rutziaq pa ruwi' pe ri ruch'ek tz'ibatel jun chik rubi'. Y ri bi'aj ri' ja ri Rey pa Kiwi' Konojel ri e Rey, y Ajaw pa Kiwi' Konojel Ajaw.

Wuj Richin ri Jeremías 23:5

Xtoqaqa k'a jun q'ij toq yin xtinben chi ri David xtik'oje' jun rijatzul ri kan xtok jun rey ri xtuq'et-tzij rik'in na'oj. Rija' kan xtuq'et-tzij pa ruchojmilal y kan choj.

Wuj Richin ri Isaías 9:7

Ri ruq'atbal-tzij man xtik'is ta, y chuqa' ri uxlanibel-k'u'x ri xtuk'en-pe. Rija' xtibetz'uye' kan pa rutz'uyubal ri David, y xtiberuq'ata-tzij pa ruwi' ri rajawaren rija'. Kan xtiberuq'ata-tzij pa ruchojmilal, y kan nitz'aqet ri xtiberubana' chire. Ri ruq'atbal-tzij, richin tibe-q'ij tibe-seq. Y ri Jehová ri k'o ronojel uchuq'a' pa ruq'a', kan xtutz'et, wi xtibanatej ronojel re'.

Wuj Richin ri Achin Job 37:23

Rija' kan jun Dios ri k'o ronojel uchuq'a' pa ruq'a', ri rubanik rija' man niqaq'i' ta roj rik'in ri qach'obonik. Ri ruq'atbal-tzij y ri nimalej ruchojmilal rija' man nuben ta chire jun wineq chi nik'oje' pa ruk'ayewal.

Deut 10:18

Rija' kan yeruto' k'a ri meba'i' y ri malkani', y chuqa' kan yerajo' ri man e aj pa qatinamit ta, y roma ri' kan nuya' kiway y kitziaq.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Judas 1:15

richin xtuq'et-tzij pa kiwi' konojel, y richin xtuya' ruk'ayewal pa kiwi' ri winaqi' ri man kik'uan ta ri k'aslen ri niqa' chuwech rija', xa ja ri itzel k'aslen kik'uan, y yekibila' poqon taq ch'abel chirij, xcha'.

Wuj Richin ri Isaías 61:11

Ri Jehová xtuben chi kan xtibek'ulun-pe ri ruchojmilal, y kan xtinimirisex k'a ruq'ij rija' chikiwech konojel ri tzobaj winaqi', achi'el ri ulew toq nel-pe q'ayis chuwech, y ri qejoj ri kan yebebos-pe ri ija'tz ri e tikon-qa chupan.

Wuj Richin ri Isaías 42:4

Rija' kan man xtikos ta, ni man xtimayamo' ta qa ri ránima, k'a ja toq xtuben pa ruchojmilal chuwech re ruwach'ulew. Y konojel ri winaqi' ri ek'o pa taq'aj ruwach'ulew, kan xtikikuquba' kik'u'x rik'in ri rupixa', xcha' ri Dios.

Wuj Richin Bix Chire ri Dios 98:9

Ronojel re' xtik'uluwachitej, roma ri Jehová kan xpe richin noruq'ata-tzij pa ruwi' ri ruwach'ulew. Xtuq'et k'a tzij rik'in ruchojmilal. Xtuq'et tzij pa kiwi' ri tinamit, y xtuya' chike ri ruk'amon.