Wuj Richin Bix Chire ri Dios 98:4 - Kaqchiquel Bible

⁴ Konojel k'a ri winaqi' richin ri ruwach'ulew, kan rik'in k'a kikoten kebixan chire ri Jehová. Rik'in ronojel kuchuq'a' kech'on y tikipaq'apa' ri kiq'a' y tikibixaj bix.

Wuj Richin Bix Chire ri Dios 98:4 ပူးပေါင်းရင်းမြစ်များ

Wuj Richin ri Isaías 44:23

Roma ri' kan jajun ri kaj tibixan richin nuya' nuq'ij, roma yin kan xinya' kolotajik. Kan jajun ri ruwach'ulew tibixan rik'in kikoten, chuqa' ri juyu', ri k'echelaj y ronojel che' ri ek'o, roma kan xixinkol rix israelita, y kan xink'ut ri nimalej wuchuq'a' pan iwi', xcha' ri Dios.

Wuj Richin Bix Chire ri Dios 100:1

Kixbixan k'a rik'in kikoten chire ri Dios, chi'iwonojel rix ri ixk'o chuwech re ruwach'ulew.

Apocalipsis 19:6

Y xinwak'axaj chi ri ch'abel ri niwajin ri chikaj, kan achi'el yewajin raqen taq ya', y chuqa' achi'el niq'ajan ri koqolajay. Y nikibij: Tinimirisaj rubi' ri ajaw ri qa-Dios, ri kan k'o ronojel uchuq'a' rik'in, roma ja rija' ri niq'aton-tzij.

Wuj Richin Bix Chire ri Dios 66:1

Chi'iwonojel rix winaqi', tinimirisaj rubi' ri Jehová rik'in kikoten.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin Bix Chire ri Dios 95:1

Kixanpe, qojch'on rik'in kikoten chire ri Jehová. Rik'in kikoten qabixala' bix chire ri qatobal y qakolonel.

Apocalipsis 19:1

Y chirij ronojel re', xinwak'axaj k'a kich'abel janila chi winaqi' ri niwajin chila' chikaj, ri kan rik'in uchuq'a' nikibij: Tinimirisaj rubi' ri qajaw Dios, roma rik'in rija' peteneq-wi ri kolotajik, richin rija' ri uchuq'a', y ronojel ruwaq'ijaj y k'ojlemal.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

Wuj Richin ri Sofonías 3:14

Chupan ri q'ij ri' rix kan kere' k'a xtibij toq xkixbixan: Rix winaqi' richin ri tinamit Sión kan kixbixan k'a, kan kixsik'in k'a roma kikoten rix tinamit Israel. Kan kixkikot y kixnimaq'ijun rix aj-Jerusalem. Kan kixkikot k'a rik'in ronojel iwánima.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Wuj Richin Bix Chire ri Dios 67:4

Kan kekikot y kenimaq'ijun k'a konojel, roma rat kan naq'et-tzij pa ruchojmilal. Kan ja rat k'a yayuqen kichin konojel ri winaqi' richin re ruwach'ulew.

Wuj Richin ri Isaías 42:11

Kan kixkikot k'a rix winaqi' ri ixk'o pa tz'iran ruwach'ulew, chuqa' chi'iwonojel rix ri ixk'o pa taq itinamit, y chuqa' konojel tinamit akuchi ek'o-wi ri e rijatzul kan ri Quedar. Kan kixbixan rik'in kikoten rix winaqi' aj-Selá, kan kixsik'in rik'in kikoten pa ruwi' taq juyu'.

Wuj Richin Bix Chire ri Dios 66:4

Konojel k'a winaqi' richin re ruwach'ulew nikiya' aq'ij. Kan yebixan k'a chawe rat y ja ri abi' ri nikibixaj, kixcha' chire.

Wuj Richin Bix Chire ri Dios 71:22

Kan xtinya' k'a aq'ij rik'in q'ojom, nu-Dios yin, roma man in amalin ta kan, xtinbixaj ri abanobal rik'in ri arpa, kan ja rat k'a ri at loq'olej qa-Dios.

Wuj Richin Bix Chire ri Dios 95:2

Qojapon k'a chuwech rija' rik'in matioxinik. Kan tiqanimirisaj k'a ruq'ij rik'in kikoten.