Wuj Richin Bix Chire ri Dios 98:3 - Kaqchiquel Bible

³ Xuben k'a ri rubin chike ri e rijatzul kan ri Israel. Roma ri rajowabal ri man k'isel ta, man yerumalij ta kan. Konojel k'a winaqi' ri ek'o k'a pa taq ruk'isibel chire ri ruwach'ulew xkitz'et ri rukolotajik.

Wuj Richin Bix Chire ri Dios 98:3 ပူးပေါင်းရင်းမြစ်များ

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

Hechos 28:28

Roma ri' tiwetamaj kan rix, chi ri winaqi' man e judío ta, xapon yan kik'in ri kolotajik richin ri Dios. Y rije' kan nikak'axaj-wi ri ch'abel ri taqon-pe chike, xcha'.

Hechos 13:47

Kan ja ri ajaw Dios biyon chiqe: Yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.*f30*

San Lucas 1:72

Xubij chi xtujoyowaj kiwech ri qati't-qamama' ri xek'oje' ojer kan, y kan nuben-wi ri xubij toq xuben ri loq'olej jikibel-tzij.

Deut 4:31

man xkixrumalij ta kan, ni man xkixruk'is ta el chuwech re ruwach'ulew, ni chuqa' man xtumestaj ta ri jikibel-tzij ri xuben kik'in ri qati't-qamama', roma rija' kan jun Dios joyowanel.

Wuj Richin ri Isaías 52:10

Ri Jehová kan xtuk'ut-wi ri ruchuq'a' chikiwech konojel tzobaj winaqi' richin re ruwach'ulew. Chijun ri ruwach'ulew xtiketamaj chi ri qa-Dios roj xqojrukol.

Wuj Richin Bix Chire ri Dios 98:2

Kan xuq'alajirisaj k'a ri ch'akonik ri xuben. Xuk'ut k'a ri ruq'atoj-tzij chikiwech ri winaqi' ri man nikitzeqelibej ta rija'.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.

Romanos 10:12

Kan junan k'a nuben chiqe wi oj judío o wi man oj judío ta. Ri Dios kan qajaw wi qonojel y kan pa ruk'iyal nuya' ri rutzil chike konojel ri nikikuquba' kik'u'x rik'in.

San Lucas 3:6

Kan konojel winaqi' xkekolotej roma ri Jehová, nicha'.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Wuj Richin ri Isaías 49:6

Y roma ri' ri Jehová nubij: Man jun rejqalen richin chi rix xaxe ye'imol kichi' ri juba' chike ri iwinaq ri ek'o kan. Jak'a yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Wuj Richin Bix Chire ri Dios 67:7

Nimalej Dios kan qojawurtisaj k'a, konojel k'a winaqi' richin chijun ruwach'ulew tikiya' aq'ij.

Romanos 10:18

¿Kan qitzij kami chi ri nuwinaq judío man xkak'axaj ta? Ja', kan xkak'axaj-wi, roma chupan ri tz'ibatel kan, nubij: Kan chuwech k'a chijun ruwach'ulew niq'alajin-wi ri kitzijol rije'. Kan k'a pa ruk'isibel k'a chire re ruwach'ulew niq'alajin-wi, nicha'.*f35*

Wuj Richin ri Chojmirisabelri'il 26:42

Chirij ri' k'ari' xtoqaqa chinuk'u'x ri nujikibel-tzij ri nubanon rik'in ri Jacob, ri Isaac, y rik'in ri Abraham, chuqa' xtoqaqa chinuk'u'x ri ruwach'ulew.

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.