Wuj Richin Bix Chire ri Dios 97:8 - Kaqchiquel Bible

⁸ Nimalej Jehová, ri winaqi' aj-Sión kan yekikot k'a. Y konojel ri winaqi' richin Judá kan yekikot k'a rik'in ri ruchojmilal ri naya' rat,

Wuj Richin Bix Chire ri Dios 97:8 ပူးပေါင်းရင်းမြစ်များ

Wuj Richin Bix Chire ri Dios 48:11

Kan yekikot k'a ri winaqi' aj-Sión; kan yetzopiyaj k'a roma kikoten ri kokoj taq rutinamit, roma ri ruchojmilal ri naben.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Wuj Richin ri Isaías 62:11

Ri Jehová kan xuya' rutzijol nej chire ri ruwach'ulew y xubij: Tibij chike ri aj-Sión chi jari' xoqaqa ri kikolonel, y chuqa' jari' xtuya' rajel ruk'exel chike chire ronojel ri kisamaj.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin Bix Chire ri Dios 58:10

Ri kan choj kik'aslen kan xkekikot k'a toq xtikitz'et re'. Kan xtimu'e' k'a ri kaqen chupan ri kikik'el ri aj-maki'.

Wuj Richin Bix Chire ri Dios 52:6

Re' kan xtikitz'et k'a ri choj kik'aslen y xtikik'en rukiy ri Dios. Xketze'en k'a chawij rat y xtikibij:

1 Crón 16:14

Ja rija' ri Jehová ri qa-Dios; Ja rija' ri niq'aton-tzij pa ruwi' chijun ri ruwach'ulew.

Wuj Richin Bix Chire ri Dios 48:12

Kixbiyin y tisutij-rij ri tinamit Sión. Tiwajlaj janipe' jay kichin ri chajinela' k'o pa ruwi' ri tz'aq.