Wuj Richin Bix Chire ri Dios 97:6 - Kaqchiquel Bible

⁶ Ri kaj kan nikiq'alajirisaj k'a ri ruchojmilal ri nuben rija'. Y konojel k'a tinamit nikitz'et ri ruk'ojlemal.

Wuj Richin Bix Chire ri Dios 97:6 ပူးပေါင်းရင်းမြစ်များ

Wuj Richin Bix Chire ri Dios 50:6

K'ari' ri kaj xtuq'alajirisaj k'a ri ruchojmilal richin rija', roma kan ja ri Dios ri qitzij q'atoy-tzij.

Wuj Richin Bix Chire ri Dios 19:1

Ri kaj nuk'ut chiqawech ri ruk'ojlemal ri Dios, ri raxlaj-kaj nuk'ut chiqawech ronojel ri rubanon ri Dios rik'in ri ruq'a'.

Wuj Richin ri Isaías 66:18

Roma ri itzel taq kibanobal y ri kich'obonik, kan xtapon jun q'ij richin xkenmol konojel tzobaj winaqi' richin ri ruwach'ulew. Y rije' xkepe richin nokitz'eta' ri nuk'ojlen.

Wuj Richin ri Isaías 45:6

Xtinben ronojel re' richin chi chijun ri ruwach'ulew tiketamaj chi kan xaxe yin ri in Dios, y maneq chik jun achi'el yin.

Wuj Richin ri Isaías 40:5

K'ari' k'a ri Jehová xtuk'ut ri ruruwaq'ijaj, y kan konojel winaqi' xtikitz'et junan, xticha'. Keri' xubij ri Jehová.

Wuj Richin ri Isaías 6:3

Y chikijujunal rije' yesik'in y nikibila': Loq'olej, loq'olej, loq'olej Jehová k'iytisanel richin ronojel. Chijun ri ruwach'ulew nojineq rik'in ri ruk'ojlemal, yecha'.

Wuj Richin Bix Chire ri Dios 67:4

Kan kekikot y kenimaq'ijun k'a konojel, roma rat kan naq'et-tzij pa ruchojmilal. Kan ja rat k'a yayuqen kichin konojel ri winaqi' richin re ruwach'ulew.

2 Sam 22:47

Nimalej ruq'ij ri Jehová roma ja rija' ri tobel wichin yin. Xtinnimirisaj k'a ri nu-Dios, ri xya'on ri nukolotajik.

Apocalipsis 19:2

Roma ri ruq'atbal-tzij rija' kan qitzij y choj; kan xuya' ruk'ayewal pa ruwi' ri ixoq itzel ruk'aslen, ri xbanon chike ri winaqi' ri ek'o chuwech ri ruwach'ulew richin xeqaqa pa mak, xuya' ruk'ayewal pa ruwi' roma xerukamisaj ri rusamajela' ri Dios, yecha'.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Wuj Richin Bix Chire ri Dios 98:3

Xuben k'a ri rubin chike ri e rijatzul kan ri Israel. Roma ri rajowabal ri man k'isel ta, man yerumalij ta kan. Konojel k'a winaqi' ri ek'o k'a pa taq ruk'isibel chire ri ruwach'ulew xkitz'et ri rukolotajik.

Wuj Richin Bix Chire ri Dios 89:5

Nimalej Jehová, chila' chikaj nak'axatej nimaq'ij roma ri nima'q taq banobel ri ye'aben rat. Ri aj-chikajil kan nikiya' aq'ij roma kan naben ri asujun.

Wuj Richin Bix Chire ri Dios 89:2

Xtintaluj k'a rubixik chi ri awajowabal rat kan richin q'asen, ri nabij rat chi naben, kan man xtijalatej ta. Kan man nujel ta ri', achi'el ri kaj ri kan ja ruwech jantape'.

Wuj Richin ri Q'axanri'il 14:21

Man rik'in ri', yin ninbij chi kan qitzij chi ri nuk'ojlen kan xtiq'alajin chijun re ruwach'ulew.