Wuj Richin Bix Chire ri Dios 97:4 - Kaqchiquel Bible

⁴ Ri koyopa' kan nusaqirisaj k'a ri ruwach'ulew. Y ri winaqi' kan nikitz'et k'a y nikik'en rukiy.

Wuj Richin Bix Chire ri Dios 97:4 ပူးပေါင်းရင်းမြစ်များ

Wuj Richin Bix Chire ri Dios 77:18

Chupan ri kaq'iq'-job kan xak'axatej k'a chuqa' ri koqolajay; y ri koyopa' kan xusaqirisaj k'a chijun ri ruwach'ulew; roma ri' kan xbaybot k'a y xsilon ri ruwach'ulew.

Wuj Richin Bix Chire ri Dios 104:32

Rija' xaxe nutzu' ri ruwach'ulew y ri ruwach'ulew kan nik'ark'ot. Xaxe nuneq juba' kiwi' ri juyu' y ri juyu' ri' kan yebuqulin-pe sib chupan.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Wuj Richin ri Jeremías 10:10

Jak'a rat Jehová kan at qitzij Dios. Ja rat ri at k'aslik Dios, rey richin q'asen. Toq nipe awoyowal, ri ruwach'ulew kan nisilon y ri tzobaj taq winaqi' man yetikir ta nikikoch' ri awoyowal.

Wuj Richin Bix Chire ri Dios 114:7

Kan xaxe k'a chuwech ri Jehová nisilon chijun ruwach'ulew; kan xaxe k'a chuwech ri ru-Dios ri Jacob.

Wuj Richin Bix Chire ri Dios 96:9

Tiqaqasaj-qi' chuwech ri Jehová chupan ri rachoch. Kan qonojel k'a ri ojk'o chuwech ri ruwach'ulew tik'oje' ruq'ij-ruk'ojlen ri Jehová chiqawech.

Wuj Richin ri Achin Job 9:6

Rija' nuben chire ri ruwach'ulew richin nisilon, kan nusiloj ri ruxe' ri chapayon richin.

Wuj Richin ri Achin Job 37:3

Ri Dios kan nuya' k'a q'ij richin chi ri koyopa' nibe chuxe' ri kaj, y ri rusaqil kan napon k'a pa ruk'isibel chire ri ruwach'ulew.

Wuj Richin Bix Chire ri Dios 77:19

Chupan k'a ri palou xaq'ax-wi chupan k'a ri janila chi ya' xaben-wi ri abey; jak'a ri retal ri akuchi xaq'ax-wi man jun bey xtz'etetej.