Wuj Richin Bix Chire ri Dios 97:2 - Kaqchiquel Bible

² Ri sutz' y ri q'equ'm kan kisutin k'a rij rija'. Ri q'atoj-tzij y ri ruchojmilal kan jari' ri ruxe' ri rajawaren.

Wuj Richin Bix Chire ri Dios 97:2 ပူးပေါင်းရင်းမြစ်များ

Wuj Richin ri Rutikeribel 18:25

Rat kan at choj-wi y man naben ta keri', chi xtak'is ta ruk'aslen ri utz rubanobal kik'in ri itzel taq kibanobal. Chi junan ta naben chike. Y roma rat kan at choj-wi, kan tabana' k'a ri ruk'amon, xcha' ri Abraham chire ri Dios.

Wuj Richin ri Achin Job 23:14

Ri ruch'obon ri Dios chi kan nuben wik'in, kan xtibanatej-wi, y re nuben wik'in yin, xa jun ok chike ronojel ri nuch'ob chi nuben rija'.

Wuj Richin ri Achin Job 26:9

Rija' kan nitikir nuq'equmarisaj ruwech ri nojineq ik', xa rik'in nurik' jun nimalej sutz' chuwech.

Wuj Richin Bix Chire ri Dios 77:19

Chupan k'a ri palou xaq'ax-wi chupan k'a ri janila chi ya' xaben-wi ri abey; jak'a ri retal ri akuchi xaq'ax-wi man jun bey xtz'etetej.

Wuj Richin Bix Chire ri Dios 89:14

Rat kan jantape' k'a naq'et-tzij pa ruchojmilal y jantape' naben ri nabij, ri awajowabal kan nitz'etetej.

Wuj Richin Bix Chire ri Dios 89:15

Jebel ruwa-kiq'ij ri nikiya' aq'ij rik'in bix, kan yebiyin k'a rik'in ri awutzil.

Wuj Richin Bix Chire ri Dios 99:4

Ri rey kan niqa' chuwech ri ruchojmilal. Kan ja rija' ri yoyon re ruchojmilal re' pan Israel. Kan xuben k'a ri ruchojmilal y ri q'atoj-tzij pa kiwi' ri winaqi' israelita.

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Ex 20:21

Y rokik ri winaqi' k'a nej xek'oje-wi-el chire ri juyu', ri Moisés xok-apo chupan ri pimilej-sutz' ri', ri akuchi k'o-wi ri Dios.

Wuj Richin Etamabel-Tzij 16:12

Kan man ruk'amon ta chire jun rey chi yerubanala' itzel taq banobel; roma kan richin chi k'o ruchojmilal toq k'o ri rey ri chiri' pa rutz'uyubal.

Wuj Richin ri Nahum 1:3

Ri Jehová kan k'o chupan ri kaq'iq' rachibilan ri job y ri surkum, y ri nimalej taq sutz' chuwech rija' achi'el ri poqolaj ri nuyek ri raqen toq nibiyin. Ri Jehová kan janila ruchuq'a' y man chi'anin ta noyower, jak'a kan man xtuya' ta kan ri aj-mak choj keri'.

Romanos 11:33

Ri Dios kan janila wi na'oj, beyomel y etamabel k'o rik'in. Roj kan man niq'ax ta chiqawech ri ruch'obonik, y man niq'ax ta chuqa' chiqawech ri rubey.