Wuj Richin Bix Chire ri Dios 97:11 - Kaqchiquel Bible

¹¹ Ri saqil kan yerusaqirisaj k'a ri choj kik'aslen. Y nuya' kikoten chike ri kan choj kánima.

Wuj Richin Bix Chire ri Dios 97:11 ပူးပေါင်းရင်းမြစ်များ

San Juan 12:46

Roma yin ri saqil, xipe chuwech re ruwach'ulew richin chi achike k'a ri xtukuquba' ruk'u'x wik'in, man xtik'oje' ta kan chupan jun q'equ'm k'aslen.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin ri Achin Job 22:28

Ronojel k'a ri xtach'ob chi naben, kan utz xtel chawech; roma ri aj-chikajil saqil, kan xtusaqirisaj ri abey.

Wuj Richin Bix Chire ri Dios 112:4

Nisaqirisan k'a pe jun q'aq' pa q'equ'm chikiwech ri winaqi' choj kik'aslen, chikiwech ri kan e joyowanel, e koch'onel y kan choj ri kik'aslen.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

Gálatas 6:8

Roma wi xa ja ri nirayij rix ri ye'ibanala', xa xtiwachij k'a ruk'ayewal chupan ri ik'aslen. Jak'a wi nik'uaj ri k'aslen ri nrajo' ri Loq'olej Espíritu, xtiwachij k'a ri k'aslen ri man jun bey xtik'is.

Wuj Richin Bix Chire ri Dios 18:28

Ja rat Jehová ri yasaqirisan ri nubey. Rat k'a yasaqirisan chupan ri q'equ'm.

Ester 8:16

Y ri winaqi' judío kan janila k'a kikoten y nim ruwaq'ijaj y ch'uch'ujil ri xuk'en-pe chike.

Apocalipsis 22:5

Ri chiri' chupan ri tinamit ri', man jun bey xtiq'equmer ta richin nokoq'a-qa. Y konojel ri ek'o chupan ri tinamit ri', man jun xtik'atzin-wi ri rusaqil jun q'aq' o rusaqil ta ri q'ij chike. Roma kan ja ri Dios ri ajaw ri xtisaqirisan kichin. Y konojel re', jere' ri xkeq'aton-tzij richin tibe-q'ij tibe-seq.

Wuj Richin ri Miqueas 7:9

Roma roj kan xojmakun chuwech ri Jehová, jak'a xtiqakoch' ri royowal. Rokik ri', rija' xutz'et ri xqaben, y ja k'a rija' xtibin chi maneq qamak. Chirij ri' ri Jehová kan xtuya' chik ri saqil chiqe, y xtiqatz'et chi rija' kan choj pa qawi'.

Wuj Richin ri Isaías 62:1

Roma ri wajowabal pa ruwi' ri tinamit Sión kan xkich'on, roma ri wajowabal pa kiwi' ri nuwinaq man xkinuxlan ta, k'a ja toq konojel ri ch'aqa' chik winaqi' xtikitz'et ri ruchojmilal ri niban chiri', achi'el nitz'et ri q'ij toq niseqer-pe, y k'a toq xtikitz'et ri kolotajik, achi'el jun q'aq' ri jantape' tzijil.

Wuj Richin ri Achin Job 11:17

Ri ak'aslen kan más q'alaj ri xtuben, xa kan achi'el ri saqil ri pa nik'aj-q'ij. Y stape' niq'equmatej-pe chupan ri ak'aslen, rat kan xtana' chi achi'el xa niseqer-pe chawech.

Wuj Richin Bix Chire ri Dios 68:4

Roma ri' kan tibixaj k'a rubi' ri Dios, kan tiya' k'a bix chire; tinimirisaj k'a rubi' ri nibiyaj pa ruwi' ri sutz'. Jehová jari' ri rubi'. ¡Kan kixkikot k'a chuwech rija'!

Wuj Richin ri Isaías 58:8

Keri' ri ik'aslen kan xtiyik'lun k'a achi'el toq nel-pe ri q'ij. Y ri iq'axomal kan chi'anin xtaq'omatej. Ri ruchojmilal kan xtok uk'uey iwichin y yin Jehová kan xkik'oje' chi'ikojol richin yixinchajij.