Wuj Richin Bix Chire ri Dios 97:10 - Kaqchiquel Bible

¹⁰ Ri ye'ajowan richin ri Jehová, kan tiketzelaj k'a ri itzel taq banobel, roma rija' kan yeruchajij ri e ralk'ual rija'. Kan yerukol pa kiq'a' ri e itzel taq winaqi'.

Wuj Richin Bix Chire ri Dios 97:10 ပူးပေါင်းရင်းမြစ်များ

Wuj Richin Etamabel-Tzij 8:13

Toq kan k'o rukiy ri Dios chuwech ri wineq, kan nrixowaj ri man utz ta; achi'el yin kan ninwixowaj ri nim nuna-ri', ri ruyon nuya-qa ruq'ij, ri ruyon itzel taq banobel ri yerubanala', y ri ruyon tz'ukun taq tzij ri yeruben.

Romanos 12:9

Kan kixajowan k'a rik'in ronojel iwánima. Tiwetzelaj ri man utz ta y tiwojqaj ri utz.

Wuj Richin Bix Chire ri Dios 145:20

Rat Jehová kan ye'achajij konojel ri ye'ajowan awichin. Jak'a ri e banoy taq etzelal kan ye'ak'is-el chuwech re ruwach'ulew.

Wuj Richin Bix Chire ri Dios 34:14

Tijech'ej-iwi' nej chire ri etzelal, y tibana' ri utz. Tikanoj ri uxlanibel-k'u'x y jari' ri titzeqelibej.

Wuj Richin ri Jeremías 15:21

Kan xkatinkol pa kiq'a' ri banoy etzelal; kan xkatinkol pa kiq'a' ri kamisanela', xcha' ri Dios chuwe.

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

Dn 3:28

K'ari' ri Nabucodonosor xch'on y xubij: Nimalej ruq'ij ri ki-Dios ri Sadrac, ri Mesac y ri Abed-negó. Roma kan xuteq k'a pe jun ru-ángel y xerukol re e rusamajela' re' ri xkikuquba' kik'u'x rik'in. Rije' kan man xkitaqej ta ri pixa' ri xinya' yin, y xa kan xkijech k'a ki' pa ruq'a' ri ki-Dios y man xkiya' ta ruq'ij jun chik dios.

2 Tesalonicenses 3:2

Tik'utuj chuqa' chire chi man yojqaqa pa kiq'a' ri itzel taq winaqi', roma xa man konojel ta kiniman ri Jesucristo.

Wuj Richin Etamabel-Tzij 2:8

Roma kan ja rija' ri nichajin ri kibey ri choj kik'aslen, y kan ja chuqa' rija' ri niyuqen kichin ri winaqi' ri kan nikiben achi'el ri nikibij.

Wuj Richin Bix Chire ri Dios 31:23

Ri nikitzeqelibej ri Jehová, ruk'amon chi nikiben ri nrajo' rija'. Roma rija' kan yeruchajij k'a ri choj e beneq chuwech. Jak'a ri man nuqasaj ta ri' chuwech, kan pa ruk'iyal k'a ri rutojbalil ri nuya' pa ruwi'.

1 Juan 5:18

Y qetaman chi roj, ri oj ralk'ual chik ri Dios, qaya'on chik kan rubanik ri mak, roma ri Ruk'ajol ri Dios yojruchajij. Y rik'in ri' ri Itzel-Wineq maneq chik ruq'a' chiqe.

1 Juan 4:19

Y ja ri Dios ri xojajowan-pe nabey, roma ri' roj xqajo' rija'.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

Dn 6:27

Rija' kan yerukol ri winaqi' y kan yerujikiba' kan, kan yeruben k'a meyel taq banobel chila' chikaj y chuwech re ruwach'ulew. Ja rija' xkolon richin ri Daniel chikiwech ri koj, xcha' ri Darío.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

1 Corintios 8:3

Jak'a wi k'o jun ri qitzij nrajo' ri Dios, niq'alajin chi kan richin chik, y ri Dios retaman chik ruwech.

Wuj Richin ri Isaías 45:17

Jak'a roj ri atinamit kan xqojkolotej kan richin jantape'. Y man jun bey chik xqojk'ixbitej, ni man xtiqasex ta chik qaq'ij.

Wuj Richin Etamabel-Tzij 3:7

Man jun bey tatzu-qa-awi' chi kan k'o-wi ana'oj, xa tik'oje' rukiy ri Dios chawech y xtajech'ej-awi' chuwech ri etzelal.

Wuj Richin Bix Chire ri Dios 125:3

Chupan ri q'atbel-tzij man xtik'oje' ta jantape' jun rey ri banoy etzelal, roma man xa roma ri' kemakun ri choj kik'aslen.

Wuj Richin Bix Chire ri Dios 119:163

Yin kan man niqa' ta k'a chinuwech y kan ninwetzelaj ri tz'ukuj-tzij. Jak'a ri apixa', ri' kan jari' ri ninwajo'.

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

1 Pedro 1:8

Y stape' man jun bey itz'eton ri Jesucristo, kan janila niwajo'; stape' man nitz'et ta re wakami, ikuquban ik'u'x rik'in. Y roma ri' man niwil ta achike rubixik niben chire ri nimalej kikoten ri k'o pa taq iwánima.

Romanos 7:24

¡Kan tijoyowex k'a nuwech yin! ¿Achike ta k'a xkikolo pa ruq'a' re nuch'akul ri xa beneq pa kamik?

Romanos 7:15

Kan man niq'ax ta chinuwech ronojel ri yenben, roma ri ninwajo' ninben, xa man ja ta ri' ri yenben; xa ja ri mak ri ninwetzelaj, xa jari' ri ninben.

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Wuj Richin Bix Chire ri Dios 119:104

Rik'in ri apixa' wilon nojibel, roma ri' kan ninwetzelaj ronojel ri man e qitzij ta.

Wuj Richin Bix Chire ri Dios 101:3

Kan man xkentzu' ta k'a ri xa man e choj ta; ri kibanobal ri nikich'er kan ki' awik'in kan ninwetzelaj. Kan man xtinya' ta k'a q'ij chi jun chike rije' xtijel-pe wik'in.

Wuj Richin Bix Chire ri Dios 36:4

Toq yekotz'e-qa pa kich'at, kan chaq nikiquqa' ri etzelal. Kan e beneq k'a chupan ri bey richin ri mak, y man niketzelaj ta kan ri itzel taq banobel.

Wuj Richin Bix Chire ri Dios 121:7

Ri Jehová xkaruchajij k'a chuwech ronojel ruk'ayewal; ja rija' xtichapo ri ak'aslen.

Am 5:14

Rix nibij chi yin Jehová ink'o iwik'in. Roma ri' tikanoj ri utz y man tiben ri itzel, richin keri' xkixk'ase' chi utzil. K'ari' kan qitzij chi xkik'oje' iwik'in, yin Jehová, ri Dios ri k'o ronojel uchuq'a' wik'in.