Wuj Richin Bix Chire ri Dios 96:6 - Kaqchiquel Bible

⁶ Ri chuwech rija' kan xaxe k'a ruwaq'ijaj k'o. Uchuq'a' y k'ojlemal k'o pa rachoch.

Wuj Richin Bix Chire ri Dios 96:6 ပူးပေါင်းရင်းမြစ်များ

Wuj Richin Bix Chire ri Dios 104:1

Yin kan jantape' xtinnimirisaj ruq'ij ri Jehová. Jehová nu-Dios yin, rat kan janila at nim. Kan awiqon k'a awi' rik'in k'ojlemal y ruwaq'ijaj.

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

1 Crón 16:27

Kan janila niyik'lun ri akuchi k'o-wi rija'. Ri pa rachoch kan k'o-wi uchuq'a' y kikoten.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Wuj Richin Bix Chire ri Dios 50:2

Ri Dios, rik'in ri rusaqil nuk'ut chi rija' kan k'o chiri' pa tinamit Sión, chupan ri tinamit ri kan jebel nitzu'un.

Wuj Richin Bix Chire ri Dios 29:9

Ri ruch'abel ri Jehová kan nuben chi ronojel ri ruxaq ri tuq kan yetzaq-el. Chuqa' nuben chi ri k'echelaj kan man jun chik che' nik'oje' kan chupan, rokik chupan ri rachoch rija' konojel k'a nikiya' ruq'ij-ruk'ojlen.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Wuj Richin Bix Chire ri Dios 19:1

Ri kaj nuk'ut chiqawech ri ruk'ojlemal ri Dios, ri raxlaj-kaj nuk'ut chiqawech ronojel ri rubanon ri Dios rik'in ri ruq'a'.

Wuj Richin Bix Chire ri Dios 8:1

Jehová qajaw roj, ¡kan janila k'a nim ri abi' chuwech chijun ri ruwach'ulew! Ri ak'ojlemal kan k'a pa ruwi' ri kaj niq'alajin-wi chuqa'.

Wuj Richin Bix Chire ri Dios 63:5

Xaben k'a chi xch'uch'u' ri wánima achi'el xa ta jebel in wayneq. Kan rik'in k'a kikoten xtinbixaj bix chawe richin ninya' aq'ij.