Wuj Richin Bix Chire ri Dios 96:5 - Kaqchiquel Bible

⁵ Roma ri ki-dios ri ch'aqa' chik tinamit xa e wachibel. Jak'a ri Jehová kan ja rija' xbanon ri kaj.

Wuj Richin Bix Chire ri Dios 96:5 ပူးပေါင်းရင်းမြစ်များ

Wuj Richin Bix Chire ri Dios 115:15

Kan utz ruwa-iq'ij rix ri ix richin ri Jehová, ri Jehová ri xbanon ri kaj y ri ruwach'ulew.

Wuj Richin ri Isaías 42:5

Kere' nubij ri Jehová chire ri ya'ol rutzijol: Yin xibanon ri kaj, y kan xinrik'. Chuqa' xinben ri ruwach'ulew y ronojel ri yewachin chuwech, y kan nuya'on kik'aslen konojel ri ek'o chuwech.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

Wuj Richin Bix Chire ri Dios 135:18

Kan e achi'el k'a rije', e keri' ri winaqi' ri yebanon kichin, e keri' chuqa' ri nikikuquba' kik'u'x kik'in.

Hechos 19:26

Jak'a rix itz'eton y chuqa' iwak'axan chik chi ri Pablo nubij k'a chike ri winaqi' chi ri wachibel e banalon koma achi'a' man e dios ta. Y kan e k'iy ri rujalon chik kich'obonik y kiniman chik. Man xaxe ta re wawe' pan Éfeso, xa kan jubama pa ronojel re ruwach'ulew Asia.

Wuj Richin Bix Chire ri Dios 135:15

Ri kiwachibel ri ki-dios ri ch'aqa' chik winaqi' xa rik'in saqipueq y q'anapueq e banon-wi. Y xa ja ri winaqi' e banayon kichin.

Wuj Richin ri Rutikeribel 1:1

Ri pa rutikeribel, ri Dios xuben ri kaj y ri ruwach'ulew.

Wuj Richin Bix Chire ri Dios 8:4

jari' toq ninch'ob-qa, ¿Achike ta k'a ok ri wineq richin chi naquqa-pe rij y richin chi nachajij?

Wuj Richin ri Isaías 41:29

Ronojel re' xa kiyon dios ri man e qitzij ta. Chuqa' ronojel ri kibanobal rije', xa kan man jun rejqalen. Y rije' xa e achi'el jun kaq'iq' ri xa choj keri' niq'ax.