Wuj Richin Bix Chire ri Dios 96:10 - Kaqchiquel Bible

¹⁰ Tiqabij k'a chike ri winaqi' ri man nikitzeqelibej ta ri Jehová chi ja rija' ri niq'aton-tzij. Ja rija' ri xjikiban ri ruwach'ulew y kan man jun xtisilon richin. Kan ja rija' ri xtiq'aton-tzij pa qawi' rik'in ruchojmilal.

Wuj Richin Bix Chire ri Dios 96:10 ပူးပေါင်းရင်းမြစ်များ

Wuj Richin Bix Chire ri Dios 93:1

Ri Jehová jari' ri rey y xuwiq k'a ri' rik'in ruwaq'ijaj. Rija' kan k'o ruchuq'a' y xuch'okoba' k'a jebel ri ruwach'ulew, xuben chire chi man nisilon ta ri akuchi k'o-wi.

Wuj Richin Bix Chire ri Dios 67:4

Kan kekikot y kenimaq'ijun k'a konojel, roma rat kan naq'et-tzij pa ruchojmilal. Kan ja rat k'a yayuqen kichin konojel ri winaqi' richin re ruwach'ulew.

Wuj Richin Bix Chire ri Dios 9:8

Rija' xtiq'aton-tzij pa ruwi' ri ruwach'ulew rik'in ruchojmilal; kan xtuya' k'a pa kiwi' ri tinamit ri ruk'amon.

Hechos 17:31

Roma rija' kan rucha'on jun q'ij richin toq xtuq'et-tzij pa kiwi' konojel winaqi'. Rucha'on chik k'a Jun ri kan choj xtiq'aton-tzij. Ri Dios xuq'alajirisaj chi qitzij chi ri Jun ri' xtiq'aton-tzij, roma xuben chire chi xbek'astej-pe chikikojol ri kaminaqi', xcha' ri Pablo.

Wuj Richin Bix Chire ri Dios 98:9

Ronojel re' xtik'uluwachitej, roma ri Jehová kan xpe richin noruq'ata-tzij pa ruwi' ri ruwach'ulew. Xtuq'et k'a tzij rik'in ruchojmilal. Xtuq'et tzij pa kiwi' ri tinamit, y xtuya' chike ri ruk'amon.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Apocalipsis 19:6

Y xinwak'axaj chi ri ch'abel ri niwajin ri chikaj, kan achi'el yewajin raqen taq ya', y chuqa' achi'el niq'ajan ri koqolajay. Y nikibij: Tinimirisaj rubi' ri ajaw ri qa-Dios, ri kan k'o ronojel uchuq'a' rik'in, roma ja rija' ri niq'aton-tzij.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Gálatas 1:16

Y kan rurayibel-wi k'a richin xuq'alajirisaj ri Jesucristo ri ruk'ajol chinuwech; roma ri Dios kan in rucha'on richin ninbentzijoj ri Jesucristo chike ri ch'aqa' chik winaqi' ri man e nuwinaq ta. Y toq ri Dios ruq'alajirisan chik ri Jesucristo chinuwech, man xibe ta rik'in jun wineq richin xinwetamaj más.

Wuj Richin ri Malaquías 1:14

Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Wuj Richin Bix Chire ri Dios 126:2

Kan xojtze'en k'a, y xojsik'in roma kikoten. Kan xqabixaj bix richin xojkikot. Jari' toq ri man nikitzeqelibej ta ri Dios xkibij; Ri Jehová kan xuben nima'q taq banobel kik'in re winaqi' re', xecha'.

Wuj Richin Bix Chire ri Dios 96:13

Ronojel k'a re' tiqabana' chuwech ri Jehová ri xtipe. Kan xtipe k'a richin noruq'ata-tzij pa ruwi' ri ruwach'ulew. Rik'in k'a ruchojmilal xtuq'et-tzij pa qawi' qonojel ri ojk'o chuwech re ruwach'ulew. Xtuq'et-tzij pa kiwi' ri tinamit rik'in ri ruch'abel rija'.

Wuj Richin Bix Chire ri Dios 58:11

K'ari' xtikibij ri choj kik'aslen: Qitzij na wi kan k'o nuch'ek ri jun ri kan choj ruk'aslen; kan qitzij na wi chi k'o jun Dios ri niq'aton-tzij pa ruwi' ri ruwach'ulew, xkecha'.

Wuj Richin Bix Chire ri Dios 46:10

Ri Jehová nubij: Kixtane-qa chubanik ri labal y tiwetamaj chi ja yin ri in Dios. xtinimirisex nuq'ij, pa nima'q taq ruwach'ulew, xtiya'ox k'a nuq'ij chuwech re ruwach'ulew.

Wuj Richin Bix Chire ri Dios 18:49

Roma ri' yin kan xtintzijoj ri nima'q taq rubanobal chikikojol ri winaqi' ri man nikitzeqelibej ta rija'. Y roma ri' kan xtinbixaj k'a ri rubi'.

Colosenses 2:7

Rix kan ix tikil k'a rik'in ri Cristo, y chiri' ix paban-wi-pe achi'el nipabex jun jay pa ruwi' ri ruxe'. Kan ta kuqurineq ik'u'x rik'in, achi'el ri xiwetamaj toq xik'ul ri tijonik. Y beneq ta ruwech nik'oje' matioxinik pa taq iwánima.

Wuj Richin Bix Chire ri Dios 59:13

Nimalej Dios, kan ke'ak'isa' k'a el rik'in ri awoyowal, ke'ak'isa' k'a el richin man yeq'alajin ta chik. Kan tetamex k'a chi rat naq'et-tzij pa qawi' roj ri oj rijatzul kan ri Jacob y pa ruwi' chijun ruwach'ulew.

San Mateo 3:2

Y rija' nubij k'a chike ri winaqi' ri xe'apon rik'in: Kan titzolej k'a pe ik'u'x rik'in ri Dios, roma xa kan naqaj chik k'o-wi-pe ri q'ij richin ri aj-chikajil ajawaren, nicha' chike.

Wuj Richin ri Isaías 49:8

Kere' k'a ninbij yin Jehová: Kan pa taq ruq'ijul xtink'uluba-pe ri ich'owen, y chupan ri q'ij richin kolotajik, kan xkixinto'. Kan xkixinchajij; iwoma rix xtinyek chik el jun bey ri ruwach'ulew, y xtiwichinaj kan ri ulew ri e malin kan.

Wuj Richin Bix Chire ri Dios 46:6

Ri nima'q taq tinamit kixibin-ki' y man nikil ta achike nikiben ri q'atoy taq tzij. Roma toq ri Dios nich'on kan nik'is-qa ri ruwach'ulew.

Wuj Richin Bix Chire ri Dios 7:9

Tik'is k'a wakami ri ketzelal ri aj-maki' y takolo' ri choj ruk'aslen, roma rat at jun Dios choj, y kan nanik'oj ri ránima y ri ruch'obonik ri wineq.

Wuj Richin Bix Chire ri Dios 9:9

Rija' kan xkeruto' k'a ri yetz'ilox, rik'in k'a rija' xtikito-wi-ki' ri ek'o pa q'axo'n.

Wuj Richin ri Isaías 52:7

Kan janila jebel ok toq natz'et jun ya'ol utzilej rutzijol, ri peteneq pa ruwi' taq juyu' richin ri Jerusalem. Xtuk'en-pe ri utzilej rutzijol chi xtik'oje' uxlanibel-k'u'x, chi xtik'oje' kolotajik, y chi ri qa-Dios kan niq'aton chik tzij.