Wuj Richin Bix Chire ri Dios 94:8 - Kaqchiquel Bible

⁸ Rix ri man jun iwetaman, kan tiq'ax k'a chiwech. Rix ri kan man jun ina'oj, ¿k'a janipe' k'a xkixok aj-na'oj?

Wuj Richin Bix Chire ri Dios 94:8 ပူးပေါင်းရင်းမြစ်များ

Wuj Richin Bix Chire ri Dios 92:6

Ri wineq ri man jun retaman, man niq'ax ta k'a chuwech ronojel re'.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Wuj Richin Bix Chire ri Dios 49:10

Kan xtiq'alajin jebel chi konojel winaqi' yeken, keri' ri wineq aj-na'oj y man aj na'oj ta. Y ri beyomel ri k'o kik'in, xa xtik'oje' kan chike ch'aqa' chik.

Romanos 3:11

Man jun ri niq'ax ta chuwech, y man jun ri nikanon ta richin ri Dios.

Wuj Richin Etamabel-Tzij 12:1

Xabachike k'a wineq ri utz nuna' nitijox, kan utz k'a nuna' chire ri etamabel; jak'a ri xa itzel nuna' chire ri ch'olinik, xa maneq runa'oj.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

Wuj Richin ri Jeremías 10:8

Konojel rije' xa maneq kina'oj y xa maneq kinojibal, roma xa xketamaj kik'in ri wachibel ri e banon rik'in che'.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin Etamabel-Tzij 8:5

Rix ri man k'iy ta iwetaman, kan tiwetamaj chi pa rubeyal niben rik'in ronojel, rix ri man k'iy ta etamabel k'o iwik'in, kan tiwetamaj k'a yixnojin jebel.

Wuj Richin Bix Chire ri Dios 73:22

Kan janila k'a in nakanik, roma kan man niq'ax ta k'a chinuwech; y kan in achi'el k'a jun chikop chawech rat.

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?