Wuj Richin Bix Chire ri Dios 94:7 - Kaqchiquel Bible

⁷ Ri itzel taq winaqi' nikibij-qa chi ronojel re' kan man xtatz'et ta rat. Nikibij chi rat xa kan man xtawak'axaj ta k'a.

Wuj Richin Bix Chire ri Dios 94:7 ပူးပေါင်းရင်းမြစ်များ

Wuj Richin ri Sofonías 1:12

Chupan ri q'ij ri' yin kan xkennik'oj ri winaqi' aj-Jerusalem; y kan xkenkanoj rik'in jun candil. Xkenya' pa tijoj-poqonal ri winaqi' ri xa kiyon rije' kikuquban-qa kik'u'x. Rije' nikich'ob-qa chi yin man jun utz ni man jun itzel xtinben chike.

Wuj Richin ri Isaías 29:15

Toq'ex iwech rix ri niwewaj-iwi' chinuwech yin richin niwewaj ri ich'obonik chinuwech. Toq'ex iwech rix ri k'o niben pa taq q'equ'm y nibij chi man yixintz'et ta.

Ez 9:9

Y ri Jehová xubij chuwe: Ri winaqi' israelita y ri aj-Judá kan janila chik nim ri kimak y roma ri' ri ruwach'ulew kan nojineq rik'in kamik y chuqa' rik'in etzelal. Y rije' kan nikibij-qa chi yin man yentz'et ta y chi yin xenmalij yan kan.

Ez 8:12

Y ri Dios xubij chuwe: Rat Ezequiel, tatz'eta' k'a ronojel ri yekibanala' pan ewel re achi'a' re' y chikijujunal rije' kan ek'o-apo pa kik'ojelibal ri wachibel richin nikiya' kiq'ij Y kan nikibij-qa chi yin man yentz'et ta y chi yin xenmalij yan kan.

Wuj Richin Bix Chire ri Dios 59:7

Kan nikik'aqala' k'a poqon taq ch'abel, y ri kaq' kan achi'el espada. y kan nikibij-qa chi man jun ye'ak'axan chire ri yekibij.

Wuj Richin ri Isaías 47:10

Kan nikuquba' ik'u'x rik'in ri itzel taq ibanobal, y kan nich'ob chi man jun yixtz'eto. Jak'a ri ina'oj y ri iwetamabal xa xixkiq'ol toq xibij-qa pan iwánima chi kan xaxe rix ri ixk'o, y man jun chik achi'el rix.