Wuj Richin Bix Chire ri Dios 94:6 - Kaqchiquel Bible

⁶ Kan yekikamisaj k'a ri malkani' y ri winaqi' man e qawinaq ta. Yekikamisaj k'a chuqa' ri meba'i' roma kan man yetikir ta nikito-ki'.

Wuj Richin Bix Chire ri Dios 94:6 ပူးပေါင်းရင်းမြစ်များ

Wuj Richin ri Isaías 10:2

Y ri pixa' ri' xa nubij chiwe chi man nitz'aqet ta ri k'o chi niya' chike ri man jun k'o kik'in. Nubij chuqa' chi man k'atzinel ta niya'ox ri ruchojmilal chike ri e poqonatajineq. Ri pixa' ri' nubij chiwe chi man niya' ta kejqalen ri malkani', y chi nuya' q'ij chi k'o niweleq'aj kik'in ri taq meba'i'.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Ez 22:7

Ek'o winaqi' chi'ikojol ri man nikiya' ta kiq'ij ri kite-kitata'. Chuqa' rix niben chike chi nikitej poqon ri man e iwinaq ta, y kan nik'o chik ruwi' ri niben chike ri meba'i' y ri malkani'.

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin ri Jeremías 22:3

Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.