Wuj Richin Bix Chire ri Dios 94:16 - Kaqchiquel Bible

¹⁶ ¿Achike k'a xkito'on yin chikiwech ri e banoy etzelal? ¿Achike k'a xtito'on wichin chikiwech ri itzel taq winaqi'?

Wuj Richin Bix Chire ri Dios 94:16 ပူးပေါင်းရင်းမြစ်များ

Wuj Kichin ri To'onela' 5:23

Ri ángel richin ri Jehová xubij: Toyox ri etzelanik pa ruwi' ri tinamit Meroz. Kan toyox ri etzelanik ri' pa kiwi' ri winaqi' ri ek'o chiri', roma man xepe ta richin xkito' ri Jehová; chuqa' kan man xekito' ta ri k'o kuchuq'a', xcha'.

3 Juan 1:8

Roma ri' nik'atzin chi roj ri qatzeqeliben ri Jesucristo, yojto'o kichin. Y rik'in ri', roj junan yojsamej kik'in rije' chutzijoxik ri qitzij.

San Mateo 12:30

Wi rix man ixk'o ta wik'in, xa ix yakatajineq chuwij. Y achike ri man nito'on ta wichin richin nink'ol ri tiko'n, xa jari' ri nitalun ronojel.

Ez 22:30

Jak'a yin kan nukanon-pe jun chikikojol ri winaqi' ri' richin nich'on ta wik'in pa kiwi' rije', richin keri' man xkek'is ta. Jak'a kan man jun wilon.

Wuj Richin ri Jeremías 5:1

Ri Jehová nubij: Kixbiyin pa taq bey richin ri tinamit Jerusalem y titz'eta' jebel. Ke'ikanoj pa taq nima'q ruwech bey y titz'eta' wi k'o jun nuben ronojel pa ruchojmilal, jun ri nrajo' nuben xaxe ri qitzij. Wi rix niwil jun, yin xtinkuy rumak ri itinamit Jerusalem.

Wuj Richin ri Isaías 63:5

K'ulan k'a xitzu'un, jak'a man jun k'o richin xto'on wichin. Kan janila xinch'ob rij roma man jun xito'on ta juba'. Roma ri' nuyon yin xinch'ek ri oyowal, y ri woyowal xiruq'et.

Wuj Richin ri Isaías 59:16

Toq xutz'et chi man jun nibanon ri ruchojmilal, Ri Dios kan janila xumey-qa. K'ari' rija' xuya' ruchuq'a' richin xuben pa ruchojmilal, richin xril ri ch'akonik.

Wuj Richin Bix Chire ri Dios 59:2

Kinajech'ej chikiwech ri nalex-pe ri etzelal kik'in. Kinakolo' chikiwech ri achi'a' ri e kamisanela'.

Wuj Richin Bix Chire ri Dios 17:13

¡Jehová, kayakatej! ¡tapaba-awi' chikiwech! Rik'in ri akamisabal kinakolo' chikiwech ri e banoy taq etzelal.

Wuj Richin ri Nehemías 5:7

Y xinch'ob na k'a jebel y k'ari' xench'olij ri e tata'al y ri aj-raqen, roma ri nikiben kik'in ri qawinaq chi janila k'iy ral ri méro ri nikik'utuj chike. Roma ri' xenwoyoj pa jun nimalej molojri'il richin yojch'on pa ruwi' re ruk'ayewal re'.

2 Rey 10:15

Y toq ri Jehú xel-el chiri', xuk'ul-ri' rik'in ri Jonadab ruk'ajol ri Recab. Y toq xuq'ejela' yan, ri Jehú xubij chire: ¿Kan choj ri awánima wik'in, achi'el ri wánima yin awik'in?, xcha'. Y ri Jonadab xubij chi kan keri'. K'ari' ri Jehú xubij chi tuya' ri ruq'a' chire. Y ri Jonadab kan xuya' k'a ri ruq'a' chire ri Jehú richin xbe rik'in pa ru-carruaje.

2 Rey 9:32

Y ri Jehú xtzu'un k'a q'anej pa ventana y xuk'utuj chi wi ek'o ta ri chiri' ri nikajo' yeto'on richin. Y jari' toq xebek'ulun-pe e ka'i-oxi' achi'a' ri yesamajin richin ri Jezabel.

Wuj Richin ri Q'axanri'il 10:35

Y toq ri káxa richin ri Jehová niyak-el richin yebe, jari' toq ri Moisés nubij chire ri Dios: Qojatzeqelibej k'a el qajaw, y ri etzelanel awichin yek'is ta, y kan ta ye'animej chawech ri ye'ixowan awichin.

Wuj Richin Bix Chire ri Dios 118:6

Rija' kan k'o wik'in yin, roma ri' man xtinxibij ta wi', chire ri itzel ri xtuben ri wineq chuwe.