Wuj Richin Bix Chire ri Dios 94:10 - Kaqchiquel Bible

¹⁰ Ri niya'on ri rutojbalil-mak pa kiwi' ri tinamit, ¿man nich'olin ta kami? ¿Kan man jun kami retaman ri nitijon richin jun wineq?

Wuj Richin Bix Chire ri Dios 94:10 ပူးပေါင်းရင်းမြစ်များ

Wuj Richin ri Achin Job 35:11

Ri Dios nitikir chuqa' nuya' más etamabel chire ri wineq, ke chuwech ri ruya'on chike ri chikopi' ri yebiyaj pa ruwi' ulew, y ri aj-xik' taq chikopi'.

Wuj Richin ri Isaías 28:26

Ja ri Dios nik'utu chuwech ri tikonel, y nubij chire ri achike ruk'amon richin nuben.

Wuj Richin ri Jeremías 10:25

Jak'a tawelesaj k'a awoyowal chikij ri tzobaj winaqi' ri man ketaman ta awech y pa kiwi' chuqa' ri winaqi' ri man nikinataj ta ri abi', roma rije' xojkik'is roj ri oj awinaq. Rije' kan xojkik'is k'a jumul y kan xojkiya' kan pa k'ayew, xicha' chire ri Dios.

Wuj Richin Bix Chire ri Dios 44:2

Rik'in ri aq'a' xe'awelasaj ri winaqi' chuwech ri kiruwach'ulew y xe'ajikiba' ri qati't-qamama' chuwech ri ruwach'ulew ri'; xaya' k'a ruk'ayewal pa kiwi' ri winaqi' ri', jak'a ri qati't-qamama' xaben chi xek'iyer-q'anej ri kijatzul.

San Juan 6:45

Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

Wuj Richin ri Habacuc 3:12

Rik'in ri awoyowal xaq'ax pa ruwi' ri ruwach'ulew; kan xe'axeq' kan ri winaqi' richin ri ruwach'ulew roma ri awoyowal.

Wuj Richin ri Habacuc 1:12

Chirij re' yin xich'on chik rik'in ri Dios y xinbij: Jehová, rat ri at Dios ri atk'o-pe pa rutikeribel. Nimalej Jehová ja rat ri at Loq'olej nu-Dios yin, y at richin tibe-q'ij tibe-seq. Ja rat Jehová xayako-pe kichin re winaqi' re' chiqij, richin xtikiya' ri rutojbalil-mak pa qawi'. Ja rat nimalej to'onel xabanon kichin re winaqi' re', richin xtikiya' ri tijoj-poqonal pa qawi'.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Ez 39:21

Toq xtinben re', xtink'ut ri nuk'ojlemal chikiwech ri ch'aqa' chik winaqi' richin re ruwach'ulew y rije' xtikitz'et ri achike rubanik xtinq'et-tzij pa kiwi'.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

Wuj Richin ri Isaías 37:36

Y chupan ri aq'a' ri', xpe k'a ri ángel richin ri Jehová richin xerukamisaj e 185,000 aj-Asiria ri chiri' akuchi ek'o-wi-qa. Y toq xseqer-pe, konojel e kaminaqi' chik.

Wuj Richin ri Isaías 10:12

Ri Dios nubij chik: Toq yin xinwulaj yan ri Sión y ri tinamit Jerusalem, jari' toq yin xtinya' rutojbalil-mak pa ruwi' ri rey richin Asiria roma kan janila xunimirisaj-ri', y kan yirutzu' rik'in nimirisanen.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin Etamabel-Tzij 2:6

Roma xaxe k'a ri Dios ri niya'on ri na'oj, kan pa ruchi' k'a rija' nel-wi-pe ronojel ri ch'obonik y ri etamabel.

Wuj Richin Bix Chire ri Dios 119:66

Kan tak'utu' k'a chinuwech ri utzilej taq ch'obonik y ri na'oj, roma yin kan nukuquban nuk'u'x rik'in ri apixa'.

Wuj Richin Bix Chire ri Dios 10:16

¡Jehová, ja rat at qa-rey richin q'asen! ri man yatkitzeqelibej ta, xa xkek'is jumul.

Wuj Richin Bix Chire ri Dios 9:5

Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.

Wuj Richin Bix Chire ri Dios 149:7

richin niben ruk'exel chike ri winaqi' ri man nikitzeqelibej ta ri Dios, richin niya' rutojbalil-mak chike ri winaqi' ri';

Wuj Richin ri Achin Job 28:28

Roma ri' ri Ajaw kan rubin wi k'a chike ri winaqi': Jun wineq ri kan k'o rukiy ri Dios chuwech, kan q'alaj k'a chi k'o na'oj rik'in, y jun wineq ri kan nuch'er-pe ri' chike ri itzel taq banobel, kan q'alaj k'a chi k'o etamabel rik'in.

Wuj Richin ri Achin Job 34:29

Wi ri Dios nik'oje' kan choj keri' y man jun nuben richin yeruto' ri winaqi', ¿k'o kami nitikir nich'ojin chire? Wi ta nrewaj ruwech, ri winaqi' kan man jun chik xtito'on kichin. Rija' kan rutz'uliben k'a stape' ta jun tinamit o xaxe jun wineq.