Wuj Richin Bix Chire ri Dios 92:7 - Kaqchiquel Bible

⁷ Wi ri e banoy etzelal yek'iy achi'el ri q'ayis, y utz nikiben-q'anej, xaxe richin yek'is jumul.

Wuj Richin Bix Chire ri Dios 92:7 ပူးပေါင်းရင်းမြစ်များ

Wuj Richin Bix Chire ri Dios 37:38

Jak'a ri man nikinimaj ta tzij kan xkek'is k'a el jumul; ri koyoben-apo rije' ja ri tojbel-mak.

1 Pedro 1:24

Chupan ri ch'abel ri', nubij:*f2* Konojel ri winaqi' xa e achi'el ok ri q'ayis. Y ri kiruwaq'ijaj xa achi'el ok ri kotz'i'j ri ek'o pa juyu'. Roma ri q'ayis xa nichaqi'j-qa, y ri kotz'i'j xa nitzaq-el.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Wuj Richin ri Malaquías 3:15

Chuqa' nibij chi ri nima'q nikina-ki' kan yekikot, y ri kijachon-ki' chubanik ri etzelal kan ronojel utz nel chikiwech, y ri nikipaba-ki' chinuwech man jun nikik'uluwachij, ncha' ri Dios.

Wuj Richin Bix Chire ri Dios 73:12

Ri winaqi' ri janila e itzel kan man jun k'a q'axo'n nikiq'axaj, y kan janila k'a chi beyomel nikil.

Wuj Richin ri Achin Job 12:6

Ri kachoch ri eleq'oma' kan beneq pa jotol, y ri nikiyek royowal ri Dios kan jikil ek'o. Rije' kan kibanon k'a chire ri kuchuq'a' y ri kina'oj chi jari' ri e ki-dios.

Wuj Richin ri Isaías 37:27

Y ri winaqi' aj chiri' kan man jun xetikir xkiben, janila xkixibij-ki' y xek'ixbitej. Xa xemayamo-qa achi'el ri q'ayis ri k'o pa juyu', achi'el ri q'os rex-rex, chuqa' achi'el ri q'ayis ri yek'iy-pe pa ruwi' ri jay ri xa yek'at, roma ri k'aten kaq'iq' ri nipe kere' pa relebel-q'ij.

Wuj Richin Etamabel-Tzij 1:32

Roma ri wineq ri man k'iy ta retamabal y man niniman ta tzij, xa jari' ri xtikamisan richin, y ri maneq runa'oj y nuben ri achike niqa' chuwech rija', ruyon rija' nuqasaj ruq'ij.

Wuj Richin Bix Chire ri Dios 94:4

¿K'a janipe' kami xketane' richin nikibila' poqon taq ch'abel? ¿Kan jantape' kami xtikinimirisaj-ki' re e banoy taq etzelal?

Wuj Richin Bix Chire ri Dios 73:22

Kan janila k'a in nakanik, roma kan man niq'ax ta k'a chinuwech; y kan in achi'el k'a jun chikop chawech rat.