Wuj Richin Bix Chire ri Dios 92:6 - Kaqchiquel Bible

⁶ Ri wineq ri man jun retaman, man niq'ax ta k'a chuwech ronojel re'.

Wuj Richin Bix Chire ri Dios 92:6 ပူးပေါင်းရင်းမြစ်များ

Wuj Richin Bix Chire ri Dios 104:24

Nimalej Jehová, ri asamaj rat kan man ajlatel ta k'a. Chikijujunal xe'aben k'a rik'in na'oj. Kan chijun ruwach'ulew nojineq rik'in ronojel ri xaben.

Wuj Richin Bix Chire ri Dios 139:14

Kan xtinnimirisaj k'a aq'ij, roma kan jun meyel banobel ri xaben wik'in. Yin kan ninmey k'a y kuqul nuk'u'x chi ja rat xabanon wichin.

Wuj Richin Bix Chire ri Dios 14:1

Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

Wuj Richin Bix Chire ri Dios 32:9

Jak'a man taben achi'el ri kiej y ri kowilej-kiej, ri kan man jun niq'ax chikiwech. Re chikopi' re' k'o chi niya'ox ch'ich' pa kichi' richin yeq'at. Y wi man niban ta keri' chike, kan man xkejel ta kik'in ri winaqi'.

Wuj Richin Bix Chire ri Dios 49:10

Kan xtiq'alajin jebel chi konojel winaqi' yeken, keri' ri wineq aj-na'oj y man aj na'oj ta. Y ri beyomel ri k'o kik'in, xa xtik'oje' kan chike ch'aqa' chik.

Wuj Richin Bix Chire ri Dios 73:22

Kan janila k'a in nakanik, roma kan man niq'ax ta k'a chinuwech; y kan in achi'el k'a jun chikop chawech rat.

Wuj Richin Bix Chire ri Dios 75:4

Yin kan ninbij k'a chike ri e nakaneq chi man tikinimirisaj-ki'; chike ri maneq Dios chikiwech, ninbij chi kan tikiqasaj-ki'.

Wuj Richin Bix Chire ri Dios 94:8

Rix ri man jun iwetaman, kan tiq'ax k'a chiwech. Rix ri kan man jun ina'oj, ¿k'a janipe' k'a xkixok aj-na'oj?

Wuj Richin Etamabel-Tzij 1:22

Rix ri kan man k'iy ta ok iwetaman, ¿kan jantape' k'a xtiqa' chiwech chi man k'iy ta iwetaman? Rix ri xa maneq ik'ix, ¿kan jantape' k'a xtiqa' chiwech ri xa k'ixbel chikiwech ri winaqi'? Rix ri nik'atzin chi k'o ta iwetamabal, ¿kan jantape' k'a xtiwetzelaj ri etamabel?

Wuj Richin Etamabel-Tzij 24:7

Chire jun wineq ri xa maneq runa'oj, kan nuna' chi man nuq'i' ta ri na'oj; roma ri', rija' kan man nrajo' ta nich'on ri pa taq molojri'il kichin ri winaqi' aj-na'oj.

Wuj Richin Etamabel-Tzij 30:2

Ri Agur xubij k'a: Ja la'eq yin ri achin ri más maneq wetamabal chikiwech konojel ri winaqi'; kan maneq ri nojibel wik'in, achi'el ri k'o kik'in ri ch'aqa' chik winaqi'.

Wuj Richin ri Isaías 1:3

Ri taq bóyix y ri taq bur ketaman ruwech ri kajaw, y ketaman achike niya'on kiway. Jak'a rix nuwinaq israelita man iwetaman ta nuwech; rix nutinamit kan maneq iwetamabal.

Wuj Richin ri Isaías 28:29

Ronojel etamabel re' nipe rik'in ri Jehová k'iytisanel richin ronojel. Rija' kan nuch'ob chi niberubana', y kan xtuben rik'in na'oj.

Wuj Richin ri Isaías 55:9

Achi'el k'a ri kaj ri k'o más nej chire ri ruwach'ulew, kan keri' k'a ri nubey, kan más nim chuwech ri ibey rix, y ri nuch'obonik yin kan más nim chuwech ri ich'obonik rix.

Wuj Richin ri Jeremías 10:14

Konojel ri yebanon kichin ri wachibel ri' xa man yenojin ta roma maneq ketamabal y kan xkek'ixbitej k'a, roma ri wachibel xa man e qitzij dios ta y maneq kik'aslen.

Wuj Richin ri Jeremías 32:19

Rat kan janila at nim rik'in ri apixabanik y at nimalej rik'in ronojel ri naben. Rat natz'et ronojel ri yekiben ri winaqi' y chikijujunal naya' rutojbalil pa kiwi' achi'el ri ruk'amon.

San Lucas 12:20

Jari' toq ri Dios xubij chire: Nakanik chi achin, chupan re aq'a' re' xtinwoyoj-el ri awánima. Y ronojel ri abeyomel ri xayek, ¿achoq richin k'a xtok kan?, xcha' ri Dios.

1 Corintios 2:14

Ri winaqi' ri man k'o ta ri Loq'olej Espíritu richin ri Dios kik'in, man niq'ax ta chikiwech ri tijonik ri e peteneq rik'in rija'. Chikiwech rije' xa kan man jun rejqalen, roma xaxe ri k'o ri Loq'olej Espíritu qik'in, ri niq'ax chiqawech y qetaman ri tijonik ri'.