Wuj Richin Bix Chire ri Dios 92:5 - Kaqchiquel Bible

⁵ Nimalej Jehová ri samaj ri e abanon rat kan janila k'a e nima'q. Ri ach'obonik rat kan janila k'a e nima'q.

Wuj Richin Bix Chire ri Dios 92:5 ပူးပေါင်းရင်းမြစ်များ

Wuj Richin Bix Chire ri Dios 40:5

Kan janila k'a k'iy ri meyel taq abanobal. Ri ach'obonik pa qawi' roj kan k'iy-wi. Kan man jun k'a achoq ik'in ta xkitikir xkatinjunamaj-wi. Yin man yitikir ta nintzijoj ronojel re', roma janila k'iy.

Wuj Richin Bix Chire ri Dios 139:17

¡Nimalej Dios, ri ach'obonik kan janila k'a e k'ayew chinuwech yin, Y kan man e ajlatel ta chuqa'!

1 Corintios 2:10

Jak'a ri Dios xuq'alajirisaj ronojel re' chiqawech roj rik'in ri Loq'olej Espíritu. Ri Loq'olej Espíritu kan retaman-wi ronojel, y kan retaman ri nimalej ruch'obonik ri Dios.

Wuj Richin Bix Chire ri Dios 111:2

Kan janila k'a e nima'q ri samaj ri e rubanalon ri Jehová. Kan k'uxla'an k'a koma konojel ri ye'ajowan richin.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Wuj Richin ri Isaías 28:29

Ronojel etamabel re' nipe rik'in ri Jehová k'iytisanel richin ronojel. Rija' kan nuch'ob chi niberubana', y kan xtuben rik'in na'oj.

Wuj Richin Bix Chire ri Dios 104:24

Nimalej Jehová, ri asamaj rat kan man ajlatel ta k'a. Chikijujunal xe'aben k'a rik'in na'oj. Kan chijun ruwach'ulew nojineq rik'in ronojel ri xaben.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Wuj Richin ri Jeremías 23:20

Ri woyowal man xtik'is ta qa choj keri', xtik'is k'a ja toq xtibanatej ri nuch'obon yin. Y k'a pa taq ruk'isibel q'ij xtiq'ax chikiwech.

Wuj Richin ri Molojri'il 7:24

Ri na'oj kan nej-nej xk'oje-wi kan chuwe, y man xinq'i' ta. Kan nim-nim k'a rupan, y man xinwil ta ri ruxe'. ¿Kan k'o ta kami jun wineq ri nuq'i' ta y nretamaj ta ronojel?

Wuj Richin Bix Chire ri Dios 36:6

Ri ruchojmilal ri naben rat, nilitej xabakuchi. Napon k'a pa ruwi' ri juyu' ri más e nima'q. Chuqa' napon-qa, k'a akuchi ri janila nim rupan ri ya'. Rat ye'achajij ri winaqi', y chuqa' ronojel kiwech taq chikopi'.

Wuj Richin Bix Chire ri Dios 64:6

Nikinojila' k'a q'anej ri etzelal, y kan jebel ruch'obik nikiben chire. Kan qitzij na wi chi rije' kan janila e nowineq rik'in ri kich'obonik.