Wuj Richin Bix Chire ri Dios 92:15 - Kaqchiquel Bible

¹⁵ Y keri' nitalutej ri utzilej rutzijol, chi ri Jehová ri nutobal kan choj-wi, y chi rik'in rija' kan xaxe ri ruchojmilal k'o.

Wuj Richin Bix Chire ri Dios 92:15 ပူးပေါင်းရင်းမြစ်များ

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Romanos 9:14

Wi keri', ¿k'o chi niqabij chi man choj ta xuben ri Dios? ¡Man keri' ta!

Wuj Richin Bix Chire ri Dios 62:6

Kan xaxe k'a rik'in rija' ninto-wi-wi' y ja rija' ri nikolon wichin. Ja rija' ri nutobal y roma ri' kan man xkijilijo' ta k'a.

Wuj Richin Bix Chire ri Dios 145:17

Rat Jehová kan choj k'a naben rik'in ronojel. Kan janila k'a awutzil pa ruwi' ronojel ri abanon.

Wuj Richin ri Achin Job 34:10

Roma ri' rix nowineq taq achi'a', kan kiniwak'axaj k'a: Ri Dios kan man jun bey k'a xtuben ta jun itzel banobel; ri Dios ri k'o ronojel uchuq'a' pa ruq'a' man jun bey xtuben ta jun banobel ri man pa ruchojmilal ta.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Wuj Richin ri Sofonías 3:5

Jak'a ri Jehová kan k'o chiri' pa tinamit, y kan man jun itzel nuben. Rija' kan ronojel nimaq'a' nuq'et-tzij pa ruchojmilal, y kan man jun ri man ta nuben. Man rik'in ri' ri nibanon etzelal xa kan maneq ruk'ix.

Tito 1:2

Y rik'in ri' kan qoyoben k'a ri utzilej k'aslen ri man jun bey xtik'is. Y ja k'aslen ri' ri sujun roma ri Dios ojer kan toq k'a man jani k'o ta re ruwach'ulew. Y kan nuya-wi, roma ri Dios kan nuben-wi ri rubin.

Deut 34:7

Y toq xken k'a ri Moisés k'o 120 rujuna', y kan k'a jebel na nitzu'un y kan k'a kow na toq xken.

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

Wuj Richin Etamabel-Tzij 10:27

Ri wineq ri k'o rukiy ri Dios chuwech, nukochij más q'ij ruk'aslen, jak'a ri e banoy richin ri etzelal, ri Dios xa nuqupij chi'anin ri kijuna' chuwech re ruwach'ulew.