Wuj Richin Bix Chire ri Dios 92:12 - Kaqchiquel Bible

¹² Ri winaqi' ri choj kik'aslen, kan utz k'a xtel chikiwech ronojel ri nikiben, xkek'iy k'a achi'el ri palma, y achi'el ri tiox-che' ri k'o pa Líbano.

Wuj Richin Bix Chire ri Dios 92:12 ပူးပေါင်းရင်းမြစ်များ

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

Wuj Richin ri Jeremías 17:8

Kan xtik'iy k'a achi'el jun che' ri tikil chuchi' jun raqen-ya' y ri ruxe' man nichaqi'j ta qa toq napon ri k'aten. Chuqa' ri ruxaq beneq ruwech rex-rex rubanon. Y chupan ri saq'ij man xtimayamo' ta qa y kan beneq ruwech nuya' ruwech ri che' ri'.

Wuj Richin Bix Chire ri Dios 104:16

Jehová ja rat yabanon chi ri che' k'o kiya'al y jari' ri kik'aslen. Ri tiox-che' ri e tikil pa Líbano, kan ja rat xabanon chi yek'iy-q'anej.

Wuj Richin Bix Chire ri Dios 52:8

Jak'a yin ink'o chupan ri rachoch ri Dios, achi'el jun ruche'el olivo ri rex-rex rubanon, roma yin, rik'in k'a ri rujoyowanik ri Dios nukuquban-wi nuk'u'x jantape'.

Wuj Richin ri Q'axanri'il 24:6

Kan achi'el jun tinamit ri yuquyik y runuk'uk'en-ri', achi'el jun qejoj ri k'o chuchi' jun raqen-ya'. Rix ix achi'el ri sávila ri kan ja ri Jehová tikiyon-qa, achi'el ri nima'q taq tiox-che' ri yek'oje' chuchi' jun raqen-ya'.

Am 2:9

Ri amorreo kan janila e nima'q kipalen; kan e nima'q achi'el ri tiox-che'. Rije' kan janila kuchuq'a'; kan e kow achi'el ri tuq. Man rik'in ri' yin xenwelesaj-el pa kiruwach'ulew. Kan xenk'is k'a jumul achi'el nik'is jun che'; ri nitiker-pe pa rutum y k'a pa ruxe-qa.

Wuj Richin ri Isaías 65:22

Man xtibanatej ta chi ja ri ch'aqa' winaqi' yepaban-q'anej ri jay, y xa ch'aqa' chik yek'oje' kan chupan. Chuqa' man xtibanatej ta chi ja ri ch'aqa' winaqi' nikiben-qa ri kitiko'n, y xa ch'aqa' chik yetijo ri ruwech. Ri nuwinaq kan xkeyaloj xkek'ase-el, achi'el nik'ase' jun che'. Rije' kan xtikitej ronojel ri nikisamajij-qa.

Wuj Richin Bix Chire ri Dios 72:7

Chupan ri q'ij toq xtiq'aton-tzij rija', kan xtikotz'ijan k'a ri ruchojmilal. Kan xtik'oje' k'a janila uxlanibel-k'u'x. Kan keri' k'a xtuben tibe-q'ij tibe-seq.

Wuj Richin ri Isaías 55:13

Pa ruk'exel yebek'iy-pe ruxulu-kiej, kan xkebek'iy-pe ri che' k'isis. Chuqa' pa ruk'exel xkebek'iy-pe ri k'ix, kan xkebek'iy-pe ri q'echa'. Y re' kan xtunimirisaj ri nubi' yin Jehová, y chuqa' jun retal ri nubi' ri kan man jun bey xtik'is, nicha' ri Dios.

1 Rey 6:29

Y chuwech ri tz'alem ri k'o chupan ri rachoch ri Jehová xerubanala' k'a kiwachibel querubín, palma y kotz'i'j.

Wuj Richin Bix Chire ri Dios 92:7

Wi ri e banoy etzelal yek'iy achi'el ri q'ayis, y utz nikiben-q'anej, xaxe richin yek'is jumul.

1 Rey 4:33

Chuqa' rik'in ri retamabal kan xtijon k'a pa kiwi' jalajoj kiwech che'; ri tiox-che' ri richin ri Líbano y chuqa' pa ruwi' ri hisopo, ri jun q'ayis ri nik'iy-pe chuwech tz'aq. Chuqa' xtijon pa kiwi' ri chikopi' ri ek'o pa k'echelaj, pa kiwi' ri aj-xik' taq chikopi', pa kiwi' ri chikopi' ri e jepejeq y ri nikiqirirej-ki', y chuqa' pa kiwi' ri ker.

Wuj Richin Bix Chire ri Dios 148:9

chuqa' ri juyu' y ronojel ri ruwa taq juyu', ri che' ri nikiya' kiwech y ronojel ri tiox-che';

Ester 9:5

Keri' ri winaqi' judío xkiben kik'in ri e etzelanel kichin ri achike xkajo' rije'. Xekichop chi espada xekikamisaj y xekik'is jumul.

Wuj Richin Bix Chire ri Dios 37:34

Takuquba' ak'u'x rik'in ri Jehová y tanimaj ri rutzij. Y rija' kan xkarunimirisaj, y xtuya' chawe ri ruwach'ulew richin nawichinaj kan. Y kan xtatz'et toq xkek'is-el ri e banoy taq etzelal.

Wuj Richin ri Miqueas 7:10

Rix ri ix etzelanel qichin kan xtitz'et ri xtibanatej. Kan xkixk'ixbitej k'a janila, rix ri xixtze'en chiqij, ri kan nibila' chiqe chi akuchi k'o-wi ri Jehová ri qa-Dios. Wakami k'a xtiqatz'et ri xtiberuk'uluwachij ri iruwach'ulew. Rix kan xkixbexolq'otix achi'el ri ch'abeq ri k'o pa taq bey.