Wuj Richin Bix Chire ri Dios 92:1 - Kaqchiquel Bible

¹ Nimalej Jehová, kan janila k'a jebel ri niya'ox aq'ij rat. Ri nibixex ri nimalej abi' kan janila jebel.

Wuj Richin Bix Chire ri Dios 92:1 ပူးပေါင်းရင်းမြစ်များ

Wuj Richin Bix Chire ri Dios 147:1

Tinimirisaj ruq'ij ri Jehová, roma kan utz wi chi niya'ox ri bix chire ri qa-Dios. Kan jebel y kan ki' toq niya'ox ruq'ij rija'.

Wuj Richin Bix Chire ri Dios 107:1

Kixmatioxin rik'in ri Jehová, roma rija' kan janila utz; roma ri rajowabal kan richin q'asen.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

Wuj Richin Bix Chire ri Dios 135:3

Tinimirisaj ruq'ij ri Jehová, roma rija' kan janila utz. Tiyala' k'a bix chire ri rubi', roma rija' kan janila jebel,

Wuj Richin Bix Chire ri Dios 33:1

Kixkikot k'a rik'in ri Jehová rix ri choj ik'aslen. Ri kibix ri kan e tz'aqet chuwech ri Dios kan jebel-wi.

Wuj Richin Bix Chire ri Dios 73:28

Jak'a yin kan más k'a utz nuben chuwe chi yijel-apo awik'in rat nu-Dios. Kan awik'in rat Jehová nukuquban nuk'u'x. Y xtintzijoj ronojel ri abanon.

Wuj Richin Bix Chire ri Dios 107:8

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Wuj Richin Bix Chire ri Dios 52:9

Nimalej Dios, yin kan xtinya' k'a aq'ij jantape' roma keri' abanon chuwe. Kan xtinkuquba' nuk'u'x awik'in rat. Y roma ri' xtinya' aq'ij chikiwech ri winaqi' ri yatkitzeqelibej, roma kan jari' ri ruk'amon richin ninben.

Dn 5:18

Ri nimalej Dios kan nim-wi ri ruq'ij, y ojer kan ja k'a rija' ri xya'on chire ri Nabucodonosor ri ajawaren, ri ruwaq'ijaj y ronojel nimirinen.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 107:15

Rije' k'o chi nikimatioxij chire ri Jehová, roma ri rajowabal man k'isel ta, y roma ri nima'q taq banobel ri nuben kik'in ri winaqi'.

Wuj Richin Bix Chire ri Dios 54:6

Yin kan rik'in k'a ronojel wánima xtinsuj sipanik chawe. Kan xtinbixaj k'a ri nimalej abi' rat Jehová, roma kan janila at utz wik'in yin.

Wuj Richin Bix Chire ri Dios 92:8

Jak'a rat Jehová kan jantape' k'a nimalej aq'ij.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Wuj Richin Bix Chire ri Dios 82:6

Yin nubin k'a chi chi'iwonojel rix ix dios chuqa'; chi'iwonojel rix kan ix walk'ual.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

Hebreos 4:9

Y roma ri' qetaman chi k'a k'o na jun chik uxlanen kichin ri e rutinamit ri Dios, achi'el ri ruwuq q'ij toq rija' xuxlan.