Wuj Richin Bix Chire ri Dios 91:2 - Kaqchiquel Bible

² Yin kan ninbij k'a chire ri Jehová, chi ja rija' ri nutobal. Rija' kan achi'el jun jay ri sutin-rij chi tz'aq ri akuchi ninto-wi-wi'. Ja rija' nu-Dios ri kan nukuquban nuk'u'x rik'in.

Wuj Richin Bix Chire ri Dios 91:2 ပူးပေါင်းရင်းမြစ်များ

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 142:5

Yin kan xich'on k'a awik'in rat Jehová; ninbij k'a chi ja rat ri at nukuqubabel-k'u'x, y re wawe' chuwech re ruwach'ulew kan xaxe wi rat ri atk'o wik'in.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin Bix Chire ri Dios 71:3

Kinawewaj, achi'el xa ta ninwewaj-wi' chirij jun nimalej abej. Rat kan abin k'a chi kan yinakol, roma kan ja rat ri at nutobal yin.

Wuj Richin Bix Chire ri Dios 14:6

Ri e banoy etzelal kan yetze'en chirij ri ruch'obonik ri man jun ok k'o rik'in, jak'a ri Dios kan nuto' ri wineq ri'.

Wuj Richin Bix Chire ri Dios 91:9

Jak'a roj man jun xtiqak'uluwachij roma qakuquban qak'u'x rik'in ri Jehová. Roj kan rik'in k'a rija' niqato-wi-qi'.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Wuj Richin Bix Chire ri Dios 48:14

roma kan ja Dios re' ri qa-Dios roj, tibe-q'ij tibe-seq. Ja rija' ri niyuqen qichin richin jantape'.

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

San Lucas 20:38

Roma ri Dios man jun ta Dios kichin kaminaqi', roma rija' kan ki-Dios-wi ri e k'es; chuwech rija' konojel rije' e k'es, xcha' ri Jesús.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.

Wuj Richin Bix Chire ri Dios 43:4

K'ari' xkinapon akuchi k'o-wi ri aporobal. Chiri' k'a xtinya-wi aq'ij rik'in ri arpa, roma kan ja wi rat at nu-Dios, ri nanojisaj ri wánima rik'in kikoten.

Wuj Richin Bix Chire ri Dios 18:3

Kan ninnataj k'a ri abi' rat Jehová, roma kan ruk'amon richin niya'ox aq'ij-ak'ojlen. Kan yinakol k'a chikiwech ri e etzelanel wichin.

Wuj Richin Bix Chire ri Dios 25:2

Nu-Dios yin, kan nukuquban nuk'u'x awik'in. Kan man jun bey ta k'a yik'ixbitej. Kan man taya' q'ij chi ri e etzelanel wichin yekikot chuwij.

Wuj Richin Bix Chire ri Dios 31:15

Pan aq'a' k'a rat k'o-wi ri nuk'aslen. Kinakolo' k'a chikiwech ri e etzelanel wichin, y ri kan chaq in kitzeqeliben.

Wuj Richin Bix Chire ri Dios 46:2

Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.

Wuj Richin Bix Chire ri Dios 61:5

Roma rat nu-Dios, kan awak'axan ri nusujun chawe yin. Y xaya' chuwe ri ruk'amon richin nikichinaj ri kiqasan-ki' chawech.

Wuj Richin Bix Chire ri Dios 142:6

Tabana' utzil tawak'axaj ri nuch'abel, roma kan janila in poqonatajineq. Kinakolo' chikiwech ri e tzeqelibeyon wichin. Roma rije' kan más kuchuq'a' chinuwech yin.