Wuj Richin Bix Chire ri Dios 90:8 - Kaqchiquel Bible

⁸ Ri qamak kan ronojel k'a natz'et-pe. Ri itzel taq qabanobal, kan ronojel k'a tik'il chawech rat.

Wuj Richin Bix Chire ri Dios 90:8 ပူးပေါင်းရင်းမြစ်များ

Wuj Richin ri Jeremías 16:17

Roma kan nutz'eton ronojel ri nikiben y kan man jun k'a ri ewatel ta chinuwech.

Wuj Richin ri Molojri'il 12:14

Ri Dios kan k'o k'a jun q'ij toq xtuq'et-tzij pa ruwi' ronojel banobel, chi tz'etel y man tz'etel ta, chi utz y man utz ta.

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

Wuj Richin Bix Chire ri Dios 19:12

¿Achike ta k'a wineq ri nitikir nutz'et-qa-ri' chire ri man ja ta ri yeruben? Roma ri' tabana' utzil Jehová, takuyu' ri numak ri kan man yitikir ta nintz'et-qa yin.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.

1 Juan 3:20

Jak'a wi niqana' pa taq qánima chi qabanon itzel, ri Dios kan retaman-wi, roma ri ruq'atbal-tzij rija' más nim chuwech ri niqana' roj, y kan retaman ronojel.

Wuj Richin Bix Chire ri Dios 10:11

K'ari' nubij chik qa pa ránima: Ri Dios xa numestaj ronojel; rija' man nitzu'un ta pe, man jun bey xtutz'et re', nicha-qa.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Romanos 2:16

Y kan keri' chuqa' xtibanatej toq ri Dios xtuben chi ri Jesucristo xtuq'et-tzij pa qawi' chire ri k'o pa qánima. Keri' nubij ri utzilej ch'abel richin kolotajik ri ninch'abalij yin.

Ez 8:12

Y ri Dios xubij chuwe: Rat Ezequiel, tatz'eta' k'a ronojel ri yekibanala' pan ewel re achi'a' re' y chikijujunal rije' kan ek'o-apo pa kik'ojelibal ri wachibel richin nikiya' kiq'ij Y kan nikibij-qa chi yin man yentz'et ta y chi yin xenmalij yan kan.

Wuj Richin Etamabel-Tzij 5:21

Ri rubey ruk'aslen ri achin kan pa ruwech k'a ri Jehová k'o-wi, rija' kan nitikir-wi nunik'oj chikijujunal ri ruxaka'l ri yeruya' ri achin pa ruk'aslen.

Wuj Richin Bix Chire ri Dios 80:16

Ri qaruwach'ulew xa kan xya'ox k'a ruq'aq'al, y tolan chik rubanon, roma ri' rik'in ri awoyowal ke'ak'isa' ri winaqi' ri xeya'on ruq'aq'al.

Wuj Richin Bix Chire ri Dios 50:21

Ja ronojel re' ri abanobal y yin kan man jun nubin. Roma ri', rat kan ach'obon k'a chi yin in junan awik'in rat. Wakami k'a xkatinch'olij, y xtinq'alajirisaj chawe ronojel ri abanobal.

Wuj Richin ri Achin Job 34:21

Roma ri Dios kan rutzuliben k'a ri achike rubanik ruk'aslen ri wineq, kan rutzuliben chuqa' chikijujunal ri ruxaka'l ri nuya' chuwech re ruwach'ulew.

Wuj Richin ri Chojmirisabelri'il 4:23

toq xtunabej chi kan makuwineq, k'o chi nuk'uaj-apo chinuwech jun achij tzuntzun ri kan tz'aqet.

Wuj Richin ri Chojmirisabelri'il 4:28

toq xunabej chi kan makuwineq k'o chi nuk'uaj-apo chinuwech jun ixoq tzuntzun, ri kan tz'aqet.

Wuj Richin ri Achin Job 10:14

Rat kan in atzuliben k'a, q'alaj ri' wi yimakun, y ri ninmakuj chawech kan xtaya' rutojbalil.

Wuj Richin Bix Chire ri Dios 109:15

Ri kimak rije' kan jantape' ta xtik'oje' chuwech ri Jehová. Rija' xtuyoj ta k'a jumul ri kibi' chuwech re ruwach'ulew.

Wuj Richin ri Jeremías 2:22

Yin Jehová ri iwajaw ninbij: Stape' ta xkixatin chupan ruya'al chaj y nikusaj ta ronojel ruwech xabon ri janipe' niwajo', chinuwech yin kan man xtik'is ta k'a el ri imak.