Wuj Richin Bix Chire ri Dios 90:4 - Kaqchiquel Bible

⁴ Chawech rat ri 1,000 juna', xa kan man jun ok. Xa kan achi'el ok ri jun q'ij iwir ri xa xq'ax yan kan, achi'el jun ti ramaj chire ri chi'aq'a'.

Wuj Richin Bix Chire ri Dios 90:4 ပူးပေါင်းရင်းမြစ်များ

2 Pedro 3:8

Jak'a rix wach'alal ri yalan yixinwajo', ninbij k'a chiwe chi man timestaj chi rik'in ri Dios, jun q'ij achi'el 1,000 juna', y 1,000 juna' achi'el ok jun q'ij.

Wuj Richin Bix Chire ri Dios 39:5

Rat kan abanon k'a chuwe chi xa ti juba' ok ri nuk'aslen. Ronojel ri nujuna' xa kan man jun ok chawech rat. Ri nuk'aslen xa kan chi'anin niq'ax, y man jun retal nik'oje' kan, achi'el nuben ri kaq'iq'.

San Mateo 24:43

Roma rix kan iwetaman-wi k'a, chi wi ta ri rajaw jun jay nretamaj jampe' napon ri eleq'om pa rachoch, ri rajaw ri jay ri' nik'ase' ta chuchajixik ri rachoch, y man ta nuya' q'ij chire richin nujeq-apo ri rachoch richin neleq'-el.

San Lucas 12:38

Stape' ri kajaw noqaqa ta pa nik'aj-aq'a' o ja toq niseqer yan pe, wi ri samajela' ri' k'a e k'es na chiroyobexik ri kajaw, jebel ruwa-kiq'ij.

San Mateo 14:25

Y toq niseqer yan pe y jubama niq'ax yan ri aq'a' ri', ri Jesús peteneq k'a chiraqen pa ruwi' ri ya', richin napon kik'in.

Ex 14:24

Y xk'uluwachitej k'a, chi toq k'a jukumaj na chire ri q'ij ri', ri Jehová xerutzu-pe ri aj-labal richin Egipto y xuben chike chi xsach kik'u'x. Ri Jehová kan chupan k'a ri sutz' y ri q'aq' ri' beneq-wi.

Wuj Kichin ri To'onela' 7:19

Xeri' ri Gedeón y ri e wok'al achi'a' ri e beneq chirij xe'apon chuchi' ri akuchi ek'o-wi-qa ri aj-Madián, toq k'a juba' tikijel-ki' ri chajinela' pa nik'aj-aq'a'. Jari' toq xkixupuj ri xupubel y xkipaxij ri bojo'y ri kik'uan pa kiq'a'.