Wuj Richin Bix Chire ri Dios 90:16 - Kaqchiquel Bible

¹⁶ Xtiq'alajin ta chik pe ri meyel taq abanobal qik'in roj ri oj asamajela'. Ri ak'ojlemal rat kan ta xtiq'alajin-pe pa kiwi' ri qijatzul.

Wuj Richin Bix Chire ri Dios 90:16 ပူးပေါင်းရင်းမြစ်များ

Wuj Richin ri Habacuc 3:2

Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

Wuj Richin Bix Chire ri Dios 44:1

Nimalej Dios, kan rik'in k'a qaxikin qak'axan ri utzilej rutzijol. Ri qate-qatata' xetzijon kan chiqe chi rat xaben ri meyel taq banobel ri ojer kan.

Deut 32:4

Ri Jehová achi'el jun nimalej abej ri akuchi niqato-wi-qi', y chuqa' ri rusamaj kan tz'aqet rubanik, roma ronojel ri rubey kan e choj-wi. Kan nuben ri nubij y kan man jun q'oloj rik'in. Rija' kan choj k'a nuben rik'in ronojel, y man jun ri man ta pa ruchojmilal ri nuben.

Wuj Richin Bix Chire ri Dios 92:4

Ronojel re' ninben roma rat nimalej Jehová kan aya'on ri nukikoten. Kan yikikot k'a rik'in ronojel ri abanon.

Wuj Richin Bix Chire ri Dios 77:12

Xtinsol k'a rij ronojel ri rusamaj, kan xtinch'ob chik k'a pa kiwi' ri meyel taq rubanobal.

Wuj Richin ri Josúe 23:14

Roma yin xa yiken yan, wakami k'a tiwetamaj kan jebel y tik'oje' kan pan iwánima, y tik'oje' kan chi'ik'u'x, chi ronojel ri rusujun ri Jehová ri qa-Dios chiqe, ronojel xbanatej y man jun xk'oje' ta kan chaq keri'.

Deut 1:39

Stape' rix xich'ob chi ri e etzelanel iwichin xkekik'uaj-el ri taq iwalk'ual, re ak'uala' k'a re', ri k'a man jani k'o kina'oj, xa chike k'a rije' xtinya-wi ri ruwach'ulew, xke'ok-apo y kan xtikichinaj kan.