Wuj Richin Bix Chire ri Dios 90:10 - Kaqchiquel Bible

¹⁰ Ri qak'aslen chuwech re ruwach'ulew, kan xaxe k'a oxk'al lajuj juna'. Jak'a wi ek'o ri k'o más kuchuq'a', ye'apon k'a pa jumuch' kijuna'. Man rik'in ri', xa kan xaxe q'axo'n y ruk'ayewal ruk'amon-pe Ri qak'aslen xa kan chi'anin k'a niq'ax y xqojbe.

Wuj Richin Bix Chire ri Dios 90:10 ပူးပေါင်းရင်းမြစ်များ

Santiago 4:14

Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

Wuj Richin Bix Chire ri Dios 78:39

Roma kan xoqaqa k'a chuk'u'x chi rije' xa e relik winaqi', xa e achi'el jun uxla' ri xbe y man nitzolin ta chik pe.

2 Sam 19:35

Yin wakami jumuch' chik nujuna'. Yin man yitikir ta chik ninya' rukojol ri utz y ri man utz ta. Man ninna' ta chik ri ruki'il ri yentej. Chuqa' man yitikir ta chik ninwak'axaj ri bixanela' chi achi'a' chi ixoqi'. ¿Achike ta k'a roma xkinok jun ejqa'n chawe rat nu-rey?

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

Deut 34:7

Y toq xken k'a ri Moisés k'o 120 rujuna', y kan k'a jebel na nitzu'un y kan k'a kow na toq xken.

1 Rey 1:1

Toq ri rey David janila chik ri'j y janila chik k'iy rujuna', ri rusamajela' nikikuch k'a jebel, jak'a xa man nimeq'e' ta chik.

Wuj Richin ri Achin Job 24:24

Rije' kan chi'anin k'a yebe-q'anej pa jotol y k'a juba' ri' xa e man jun chik, yetzaq y yeken k'a achi'el nikik'uluwachij konojel, niqupix-el ri kik'aslen, achi'el niq'at ri ruwi' ri trigo.

Wuj Richin ri Achin Job 14:10

Jak'a toq ri wineq niken, kan jumul nik'is ri ruchuq'a'. Toq nitane' richin nujiq'aj ri ruxla', jari' xk'is chiri'.

Wuj Richin ri Isaías 38:12

Chi kan xtelesex k'a el nuk'aslen, achi'el niban rik'in ri ti rachoch ri yuq'unel, toq nikik'uq-el ri che' y nikibot-el ri tzieq. Ri nuk'aslen jubama xtzak'ix-el, achi'el niban chire tzieq ri nikem. Q'ij-q'ij xk'is-qa ri wuchuq'a' richin ta xiken.

San Lucas 12:20

Jari' toq ri Dios xubij chire: Nakanik chi achin, chupan re aq'a' re' xtinwoyoj-el ri awánima. Y ronojel ri abeyomel ri xayek, ¿achoq richin k'a xtok kan?, xcha' ri Dios.

Wuj Richin ri Achin Job 20:8

Ri wineq ri' kan xtibe k'a, achi'el nibe jun achik'. Kan xtuk'uluwachij achi'el toq nik'utumej jun achi'el achik' chuwech jun wineq.

Wuj Richin ri Rutikeribel 6:3

Y ri Jehová xubij: Man richin ta jantape' xtik'oje' ri k'aslen rik'in ri wineq ri xinya' chire pa nabey, roma ja ri rurayibel ri ch'akulaj ri uk'uayon kichin. Xaxe chik 120 juna' xke'apon-wi chuwech re ruwach'ulew, xcha'.

Wuj Richin ri Chojmirisabelri'il 27:7

wi ta jun achin ri najowex nikol-el y ri achin ri' xtz'aqet yan oxk'al rujuna', rija' k'o chi xtutoj waqi' onza saqipueq, y wi ta jun ixoq ri najowex nikol-el y ri ixoq ri' xtz'aqet yan oxk'al rujuna', rija' k'o chi xtutoj kaji' onza saqipueq.

Wuj Richin ri Josúe 14:11

Jak'a yin kan k'a janila in kow nina' kan k'a achi'el ri q'ij ri' toq xojruteq-pe ri Moisés, richin xoqanik'oj re ruwach'ulew re'. Y k'a k'o na wuchuq'a' richin yibe pa labal.

2 Sam 19:36

Yin xaxe k'a ninwajo' yatinbenjacha' kan la juk'an ruchi' ri raqen-ya'. ¿Achike k'a roma toq rat rey nawajo' naya' re jun nimalej rajel ruk'exel re' chuwe?

Wuj Richin ri Achin Job 5:7

Ri wineq kan nalex k'a chuwech re ruwach'ulew richin chi nutej poqon kan junan k'a rik'in ri rubix q'aq' ri kan k'o chi niyakatej pa kaq'iq'.