Wuj Richin Bix Chire ri Dios 9:6 - Kaqchiquel Bible

⁶ Ri e etzelanel kan xek'is k'a richin jantape'; kan xetzaq k'a ri nima'q taq kitinamit ri xe'atzeq rat. Kan man jun k'a natabel kichin xk'oje' kan.

Wuj Richin Bix Chire ri Dios 9:6 ပူးပေါင်းရင်းမြစ်များ

Wuj Richin ri Miqueas 7:8

Rix ri ix etzelanel qichin, man kixkikot chiqij, roma stape' xojtzaq, xa kan xqojyakatej chik. Stape' xojk'oje' pa q'equ'm, jak'a ri Jehová jari' ri saqil chiqe roj.

Ex 14:13

Y ri Moisés xubij chike: Man tixibij-iwi'. Rix kow kixk'oje', y titz'eta' ri kolotajik ri xtuben ri Jehová qik'in re wakami, roma la aj-Egipto la yeqatz'et wakami kan man jun bey chik k'a xkeqatz'et.

Apocalipsis 20:2

Re ángel re' xberuchapa-pe ri nimalej itzel keq rij chikop ri ojer kumetz, ri nibix chuqa' Itzel-Wineq y Satanás chire; y rik'in ri cadena ri' xuxim kan richin 1,000 juna'.

1 Corintios 15:26

Y ri ruk'isibel ri xtich'akatej, ja ri kamik.

Wuj Richin ri Miqueas 7:10

Rix ri ix etzelanel qichin kan xtitz'et ri xtibanatej. Kan xkixk'ixbitej k'a janila, rix ri xixtze'en chiqij, ri kan nibila' chiqe chi akuchi k'o-wi ri Jehová ri qa-Dios. Wakami k'a xtiqatz'et ri xtiberuk'uluwachij ri iruwach'ulew. Rix kan xkixbexolq'otix achi'el ri ch'abeq ri k'o pa taq bey.

Wuj Richin ri Jeremías 51:25

Rix kan xik'is chijun ri ruwach'ulew y kan ix kow nina' achi'el jun juyu'. Jak'a yin kan in yakatajineq chiwij rix. Y roma ri' kan xtintzeqej k'a ri nuq'a' pan iwi' richin ninya' rutojbalil chiwe. Pa ruk'exel ninben achi'el jun juyu' chiwe, xa xtinben achi'el jun abej ri xtinbensururej-pe pa ruwi' ri juyu'. Y kan xkixok jun juyu' k'atineq.

Wuj Richin ri Isaías 37:26

Jak'a rat kan man awetaman ta chi yin kan ojer yan ri' ri nuch'obon-pe re kere'. Kan k'o yan chik q'ij ri nuch'obon-pe re', y re wakami jare' xk'achoj; roma kan xe'ak'is konojel tinamit ri jebel tz'apen-kij rik'in tz'aq y kan xewuluwu' kan jumul.

Wuj Richin ri Isaías 14:17

Xtikik'utuj chuqa' wi ja rat ri xabanon chire ri ruwach'ulew richin xok kan tz'iran, y kan xawulaj kan ri tinamit, y man xaya' ta q'ij chike ri ek'o pa ximonri'il richin xebe pa taq kiruwach'ulew.

Wuj Richin Bix Chire ri Dios 46:9

Ja rija' ri nibanon chi nichup ri labal chuwech chijun ri ruwach'ulew. Yeruq'ajala' k'a ri rute-ch'ab y ri kum. Ri tobel kan yeruporoj pa q'aq'.

Wuj Richin Bix Chire ri Dios 34:16

Ri Jehová kan nuteq k'a pe ri royowal pa kiwi' ri man utz ta nikiben. Rija' xtuben chi konojel winaqi' xkekimestaj re winaqi' re'.

Wuj Richin Bix Chire ri Dios 8:2

Kan jajun ri taq ak'uala' y ri k'a yetz'uman na, nikibixaj ri nimalej abi', chikiwech ri e etzelanel awichin; keri' nikiben richin ketane-qa ri e yakatajineq chawij.

Wuj Richin Bix Chire ri Dios 7:5

Wi ta keri' nubanon, kan kinkitzeqelibej k'a ri e etzelanel wichin, y kan kinkiq'i' k'a. Kinkikamisaj y kinkitorij kan pan ulew.

2 Rey 19:25

Jak'a yin Jehová Dios ninbij chawe: ¿Man jun bey k'a awak'axan rat Senaquerib chi ja yin in biyon ri ojer kan chi yek'uluwachitej achi'el re wakami? Yin xibanon chi rat xe'awulaj ri tinamit ri e tz'apen-kij chi tz'aq.

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.

1 Sam 30:1

Chupan k'a ri rox q'ij jari' toq ri David y ri achi'a' ri e beneq rik'in xe'apon pa Siclag. Jari' toq xkitz'et chi ri amalecita xe'eleq' yan el chiri' y ri pa Négueb, y kan xkiya' kan ruq'aq'al.

Ex 15:16

Xtiqaqa nimalej xibinri'il pa kiwi', roma ri ruchuq'a' ri aq'a', Roma ri' xkememur, achi'el jun abej, ri man jun nitikir nubij. k'a toq q'axineq chik na ri atinamit rat Jehová. K'a toq q'axineq chik na re tinamit re xakol-pe.

Wuj Richin ri Achin Job 18:17

Ri wineq ri' kan jumul man xtinatex ta chik chuwech chijun re ruwach'ulew, y ri rubi' kan jumul xtimestex.

Wuj Richin Bix Chire ri Dios 34:17

Ri choj kik'aslen yech'on rik'in ri Jehová y kan yerak'axaj, y kan yerukol chire ronojel ri tijoj-poqonal.

Wuj Richin ri Isaías 26:14

Jak'a re wakami, xa xeken yan el rije', y man xkek'astej ta chik pe. Rat kan xaya' tijoj-poqonal pa kiwi', y kan jumul xe'ak'is chuwech re ruwach'ulew, y kan man jun chik natabel kichin ri xk'oje' kan.