Wuj Richin Bix Chire ri Dios 9:5 - Kaqchiquel Bible

⁵ Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.

Wuj Richin Bix Chire ri Dios 9:5 ပူးပေါင်းရင်းမြစ်များ

Wuj Richin Etamabel-Tzij 10:7

Ri natabel kichin ri winaqi' choj kik'aslen, kan rik'in kikoten yenatex; jak'a ri winaqi' ri xa itzel kik'aslen, xa man yenatex ta chik.

Apocalipsis 19:15

Y ri pa ruchi' nik'ulun k'a pe jun achi'el espada ri janila rey. Y kan rik'in ri' xkeruch'ek ri winaqi' ri ek'o pa taq ruwach'ulew. Y kan ja rija' ri xtiq'aton-tzij rik'in ronojel uchuq'a' pa kiwi'. Kan nuq'alajirisaj ri nimalej royowal ri Dios achi'el toq niyitz' ri uva chupan ri yitz'bel.

Wuj Richin ri Malaquías 4:3

Chupan k'a ri q'ij ri', kan xke'ipalibej ri e banoy taq etzelal achi'el nipalibex ri chaj. Yin Jehová ri in k'iytisanel richin ronojel kan ninjikiba'.

Deut 9:14

Taya' q'ij chuwe richin yenk'is y kan xtiyojtej jumul ri kibi' chuwech ri ruwach'ulew, y xaxe k'a rik'in ri awijatzul rat xtinben jun nimalej ruwach'ulew y kan janila k'a xkek'iyer y xtik'oje' janila kuchuq'a' chikiwech rije', xcha' ri Jehová chuwe.

Wuj Richin Etamabel-Tzij 13:9

Kan niyik'lun wi k'a achi'el jun saqil, ri rubanik ri ruk'aslen ri choj ruk'aslen; jak'a ri kik'aslen ri winaqi' e itzel, xa achi'el jun saqil ri beneq ruchupnen.

Wuj Richin Bix Chire ri Dios 149:7

richin niben ruk'exel chike ri winaqi' ri man nikitzeqelibej ta ri Dios, richin niya' rutojbalil-mak chike ri winaqi' ri';

Wuj Richin Bix Chire ri Dios 79:10

Roma ri winaqi' ri man yatkitzeqelibej ta nikibij-pe: ¿Akuchi k'a k'o-wi ri i-Dios?, yecha'. Niqajo' chi rat naya' ruk'ayewal pa kiwi' ri winaqi' ri', roma xkiben chi xbiyin kikik'el ri qawinaq ri e asamajela'.

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

Wuj Richin Bix Chire ri Dios 5:6

Kan xke'ak'is k'a ri jantape' yetz'ukun-tzij; ri kamisanela' y ri q'olonela' kan ye'awixowaj rat Jehová.

Wuj Richin Bix Chire ri Dios 2:1

¿Achike roma yeyakatej ri tinamit, y ri winaqi' nikich'obola' ri xa man jun rejqalen?

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.

1 Sam 25:32

K'ari' ri David xubij chire ri Abigail: Nim ruwa-ruq'ij ri Jehová Dios qichin roj, roma kan xaruteq-pe richin xojak'ulu-el wawe'.

1 Sam 25:39

Y toq ri David xrak'axaj chi ri Nabal xken yan, rija' xubij: Nim ruwa-ruq'ij ri Jehová roma kan ja rija' xq'aton-tzij pa ruwi' ri Nabal, y xuya' rutojbalil pa ruwi' roma xuqasaj nuq'ij. Chuqa' ri Jehová kan xiruq'et chi yin man xinben ta ri itzel chire ri Nabal, y xa kan pa ruwi' k'a rija' xqaqa-wi ri rumak, xcha'. K'ari' ri David xeruteq-el rusamajela' rik'in ri Abigail richin yech'on rik'in.

Wuj Richin Bix Chire ri Dios 7:12

Wi ri aj-mak man nutzolij ta ri' chirij, ri Dios kan xtuben rey ri ru-espada; kan xtuya' k'a chuwi-rutele'n ri rute-ch'ab, y kan xtuq'ijuj k'a rik'in.

Wuj Richin ri Jeremías 49:38

Xtinya' ri nuq'atbel-tzij pan iwi' y xtinben chi xtiken ri i-rey y ri e aj-raqen. Yin Jehová ri yibin.

Wuj Richin ri K'uxla'anik 3:58

Rat Jehová kan xinato' chupan ri ruk'ayewal. Kan xakol k'a ri nuk'aslen.