Wuj Richin Bix Chire ri Dios 9:14 - Kaqchiquel Bible

¹⁴ keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.

Wuj Richin Bix Chire ri Dios 9:14 ပူးပေါင်းရင်းမြစ်များ

Wuj Richin Bix Chire ri Dios 13:5

Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

Wuj Richin Bix Chire ri Dios 106:2

Ri nima'q taq rubanobal ri Jehová man jun nitikir nitzijon roma man e ajlatel ta. ¿Achike ta k'a xtitzijon ri ruruwaq'ijaj rija'?

Wuj Richin Bix Chire ri Dios 51:12

Tabana' chi xkikikot chik rik'in ri kolotajik ri naya' rat, tabana' chuwe, chi jantape' ta ch'uch'uj ri wánima.

Wuj Richin Bix Chire ri Dios 35:9

K'ari' xtikikot k'a ri wánima awik'in rat Jehová. Y xkikikot rik'in ri akolotajik.

Wuj Richin Bix Chire ri Dios 20:5

Toq rat xkach'akon chikij ri e etzelanel awichin, roj kan xqojkikot k'a, kan pa rubi' k'a ri Dios xtiqatzeqej chikaj ri tzieq retal ch'akonik. Ri Jehová xtuk'uluba' ta k'a pe ronojel ri xak'utuj chire.

Wuj Richin ri Isaías 37:22

Ja bix re' ri xubij ri Jehová pa ruwi' rija': Ri tinamit Sión kan xtimulun ruk'u'x chawij rat Senaquerib. Chuqa' ri tinamit Jerusalem kan xtitze'en chawij. Kan xtikiben kipalej chawij rokik rat xkatanimej.

Wuj Richin Bix Chire ri Dios 21:1

Jehová, ri rey kan janila nikikot rik'in ri ruchuq'a' ri xaya'; kan janila k'a nikikot rik'in ri ch'akonik ri xaya' chire.

1 Sam 2:1

Ri Ana kere' xubij: Jehová, wajaw yin, janila nikikot ri wánima, roma rat Jehová, xaya' janila wuchuq'a' richin yitikir ninsol-wi' chikiwech ri etzelanel wichin, y roma ri' yin yalan yikikot rik'in ri akolotajik.

San Lucas 1:47

Ri wánima kan nikikot rik'in ri Dios, ri nukolonel.

Wuj Richin ri Miqueas 4:13

Ri Jehová nubij chike ri aj-Sión: ¡Kixyakatej richin nich'ey ri trigo! Yin xtinya' iwuchuq'a' achi'el ruchuq'a' jun achij wákix ri k'o ruk'a' ri banon rik'in q'eqapueq y ri rupi'ch banon rik'in q'enq'oj-pueq. Rix xke'ik'is janila tzobaj winaqi' richin ri ruwach'ulew. Xtimej ri beyomel ri xk'oje' kik'in roma ri kamisanik y xtiya' chuwe yin, ri in rajaw ri ruwach'ulew.

Wuj Richin ri Isaías 62:11

Ri Jehová kan xuya' rutzijol nej chire ri ruwach'ulew y xubij: Tibij chike ri aj-Sión chi jari' xoqaqa ri kikolonel, y chuqa' jari' xtuya' rajel ruk'exel chike chire ronojel ri kisamaj.

Wuj Richin ri Isaías 12:3

Toq jun wineq chaqi'j ruchi', y nuqum juba' ch'ich' ya', kan janila nikikot. Keri' chuqa' yojkikot roj toq rat Jehová yojakol.

Wuj Richin Bix Chire ri Dios 79:13

K'ari' roj, ri oj atinamit rat, ri oj achi'el akarne'l richin ri aqejoj, kan jantape' k'a xtiqaya' aq'ij. Y chi wiq chi tanaj xtiqanimirisaj ri aq'ij.

Wuj Richin Bix Chire ri Dios 51:15

Ajaw, tabana' chuwe chi yin yitikir yibixan, richin kan xkatinnimirisaj rik'in ri nubix.

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 35:18

Keri' yin kan xkimatioxin k'a chawe chikiwech ri kimolon-ki'. Xtinya' k'a aq'ij chikikojol ri janila chi tinamit.

Wuj Richin Bix Chire ri Dios 22:25

Jehová, yin kan xtinbixaj k'a ri abi' chikikojol ri wach'alal. Ri nusujun chawe, kan xtinben chikiwech ri nikiya' aq'ij.

Wuj Richin Bix Chire ri Dios 22:22

Keri' yin kan xtintzijoj k'a ri abi' chike ri wach'alal. Xtinya' k'a aq'ij pa taq qamolojri'il.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

Wuj Richin Bix Chire ri Dios 6:3

Chuqa' ri wánima kan janila nibison. Y rat Jehová ¿K'a jampe' k'a xkinato'?

Wuj Richin Bix Chire ri Dios 75:9

Jak'a yin kan jantape' xtintaluj rutzijol ri rubanobal ri nu-Dios, xtinbixaj k'a rubi' ri ru-Dios ri Jacob.