Wuj Richin Bix Chire ri Dios 9:12 - Kaqchiquel Bible

¹² Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Wuj Richin Bix Chire ri Dios 9:12 ပူးပေါင်းရင်းမြစ်များ

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Wuj Richin Bix Chire ri Dios 34:6

Yin ri kan in poqonatajineq xisik'in, y kan xinak'axex k'a roma ri Jehová. Y rija' kan xirelesaj k'a chupan ronojel ri tijoj-poqonal.

Apocalipsis 16:6

Roma kan naya' rutojbalil chike ri xekamisan kichin ri awalk'ual y ri e asamajela' ri xeq'alajirisan ri ach'abel. Y kan utz rubanik naben chike chi tikiqumu' kik', roma jari' ri ruk'amon chi nikik'ul, xcha'.

Wuj Richin ri Rutikeribel 9:5

Roma kan qitzij ninbij chiwe, chi wi k'o jun chikop nukamisaj jun chiwe rix, k'o chi xtinch'ojij ri ik'aslen chire; y wi jun chiwe rix nukamisaj jun chik wineq, chuqa' xtinch'ojij ri ruk'aslen chire.

Wuj Richin ri Isaías 26:21

Roma ri Jehová kan xtel-pe chiri' ri akuchi k'o-wi, richin chi nuya' ri ruk'ayewal pa kiwi' ri winaqi', roma ri kimak ri xkiben chuwech rija'. Y ri ruwach'ulew kan man xtrewaj ta chik jun kamik, jak'a xa kan xtuk'ut ronojel kamik ri e banon chuwech rija'.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Wuj Richin Bix Chire ri Dios 102:17

Xtawak'axaj ri ruch'owen ri asamajel. Kan xtawak'axaj k'a ri kich'abel ri kan man jun nito'on kichin.

Wuj Richin Bix Chire ri Dios 10:17

Ri kirayibel ri kiqasan-ki' chawech, kan jantape' nawak'axaj; kan naya' ruchuq'a' ri kánima y ye'ato'.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

San Mateo 23:35

Y ronojel re' kan xtuben k'a chiwe chi ja rix yixejqalen ri kikamik konojel ri choj kik'aslen: Ri xtiker-pe rik'in ri rukamik ri Abel, k'a rik'in ri rukamik ri Zacarías, ri ruk'ajol ri Berequías; ri xkikamisaj ri iwati't-imama' ri chiri' chunaqaj ri porobel ri k'o pa rachoch ri Dios.

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Wuj Richin Bix Chire ri Dios 74:2

Toqaqa chi'ak'u'x ri tzobaj winaqi' ri xacha' rat ri ojer kan, ri xakol-pe, richin chi xojok awichin rat, Toqaqa chi'ak'u'x ri juyu' Sión ri akuchi xak'oje-wi.

Wuj Richin Bix Chire ri Dios 76:3

Chiri' k'a xeruq'ej-wi ri kokoj raqen ch'ab ri kan yekamisan, xeruq'ej chuqa' ri tobel, ri espada y ronojel ruwech kamisabel.

Wuj Richin Bix Chire ri Dios 132:13

Roma rat Jehová kan jak'a ri tinamit Sión ri acha'on. Jari' k'a ri xawajo' richin chi chiri' yak'oje-wi.

Wuj Richin ri Isaías 8:18

Roma yin y ri walk'ual ri e ruya'on ri Jehová chuwe, kan oj ruya'on richin jun retal, y richin nima'q taq banobel richin re wawe' pa qaruwach'ulew. Y ri nibanon chiqe re', ja ri Jehová k'iytisanel richin ronojel ri k'o pa tinamit Sión.