Wuj Richin Bix Chire ri Dios 9:10 - Kaqchiquel Bible

¹⁰ Jehová kan awik'in k'a rat xtikikuquba-wi kik'u'x ri ketaman awech, roma rat, man jun bey ye'amalij kan ri yekanon awichin.

Wuj Richin Bix Chire ri Dios 9:10 ပူးပေါင်းရင်းမြစ်များ

Wuj Richin Bix Chire ri Dios 91:14

Ri Jehová nubij: Roma kan wik'in yin rukuquban-wi ruk'u'x, yin kan xtinkol. Kan xtinya' pa jotol, roma kan ruya'on rejqalen ri nubi'.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin ri Jeremías 29:13

Xkinikanoj y kan xkiniwil, roma rix kan xkinikanoj rik'in ronojel iwánima.

Wuj Richin Bix Chire ri Dios 5:11

Xkekikot k'a konojel ri kikuquban kik'u'x awik'in; jantape' k'a xkesik'in rik'in kikoten, roma rat kan ye'ato'. Ri ye'ajowan awichin, xkekikot awik'in rat.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Wuj Richin ri Isaías 45:19

Yin kan man in ch'owineq ta pan ewel, ni ta pa jun k'ojelibel akuchi janila q'equ'm chire ri ruwach'ulew. Man nubin ta chike ri winaqi' israelita chi kinkikanoj pa jun tz'iran ruwach'ulew. Ja yin Jehová, ri ninbij ri qitzij, y kan ninq'alajirisaj ri ruchojmilal, ncha' ri Dios.

1 Juan 2:3

Y wi roj niqataqej ri nubij ri Dios, kan kuqul qak'u'x chi qetaman chik ruwech rija'.

2 Sam 22:3

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. Rat kan yinakol-wi. Kan xtinkuquba' k'a nuk'u'x awik'in. Ja rat k'a ri at nutobal yin. Rat yinakol chikiwech ri e etzelanel wichin. Ja rat k'a ri yato'on wichin chuwech ronojel.

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.

Wuj Richin ri Isaías 25:4

Roma rat at achi'el jun tobel chike ri man jun k'o kik'in. Ye'ato' ri k'o nik'atzin chike toq ek'o pa tijoj-poqonal. Rat at achi'el jun parabel chike toq nipe ri q'eqel-job. Rat yatok achi'el kimujal toq janila q'ij. Ri e itzel taq winaqi' toq nel-pe ri kuxla', xa kan e achi'el jun q'eqel job ri norupaxij-ri' chuwech jun jay.

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.