Wuj Richin Bix Chire ri Dios 9:1 - Kaqchiquel Bible

¹ Jehová, kan ninya' aq'ij rik'in ronojel wánima. Kan xtintzijoj k'a ronojel ri meyel taq abanobal.

Wuj Richin Bix Chire ri Dios 9:1 ပူးပေါင်းရင်းမြစ်များ

Wuj Richin Bix Chire ri Dios 86:12

Kan rik'in ronojel wánima xtinbixaj ri abi' Jehová, nu-Dios yin. Kan xtinnimirisaj k'a aq'ij tibe-q'ij tibe-seq.

1 Crón 16:24

Kan tiqatzijoj ri ruk'ojlemal chike ch'aqa' chik ruwach'ulew; y tiqatzijoj k'a ri meyel taq rubanobal chike ri winaqi'.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.

Wuj Richin Bix Chire ri Dios 26:7

y kan yich'on k'a kow richin ninya' utzilej atzijol, y yich'on pa ruwi' ri meyel taq abanobal.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.

Wuj Richin Bix Chire ri Dios 7:17

Jak'a yin kan xtinya' ruq'ij ri Jehová, roma rija' kan pa ruchojmilal nuq'et-tzij, Kan xtinbixaj k'a ri rubi' ri nimalej Jehová.

1 Crón 16:12

Kan toqaqa k'a chiqak'u'x ronojel ri meyel taq rubanobal ri rubanon qik'in, Man tiqamestaj ri rubanobal ri xaxe qik'in roj xuben-wi. Kan toqaqa k'a chiqak'u'x ri ruchojmilal ri rubin chiqe.

Wuj Richin Bix Chire ri Dios 138:1

Jehová, rik'in ronojel wánima xtinya' aq'ij; chikiwech k'a ri ch'aqa' chik dios xtinya' aq'ij rik'in bix.

Wuj Richin Bix Chire ri Dios 51:15

Ajaw, tabana' chuwe chi yin yitikir yibixan, richin kan xkatinnimirisaj rik'in ri nubix.

San Lucas 10:27

Ri etamanel xubij chire ri Jesús: Ri pixa' nubij chi tiqajo' ri qa-Dios ri qajaw rik'in ronojel qánima, rik'in ronojel qak'u'x y rik'in ronojel quchuq'a'. Kan achi'el niqajo-qa-qi' roj, kan keri' chuqa' keqajo' ri qawinaq, xcha'.

Apocalipsis 15:3

Y nikibixaj ri bix ri xubixaj ri Moisés ri rusamajel ri Dios y chuqa' ri Karne'l. Y ri bix kere' k'a nubij: Ajaw Dios, ri k'o ronojel uchuq'a' pan aq'a'. Rat kan ja ri nima'q taq banobel ri man jun bey e tz'eton ri ye'aben. Kan qitzij y choj ri abey, y ja rat ri rey kichin konojel ajawaren.

Wuj Richin ri Isaías 12:1

Chupan k'a ri q'ij ri' rix nuwinaq xtibij: Xtiqabixaj k'a abi' rat Jehová. Stape' xpe awoyowal chiqe, jak'a re wakami xa xq'ax yan, y maneq chik janila q'axo'n qik'in.

Wuj Richin ri Isaías 60:6

Xkepe k'a pa cholaj ri camello ri kik'amon-pe ri janila chi beyomel. Xkepe k'a pa ruwach'ulew Madián y pan Efá. Chuqa' xkepe k'a konojel ri aj-Sabá. Xtikik'en-pe janila chi q'anapueq y pom, y kan xtikibixaj bix richin nikiya' nuq'ij yin Jehová.

Wuj Richin Bix Chire ri Dios 106:2

Ri nima'q taq rubanobal ri Jehová man jun nitikir nitzijon roma man e ajlatel ta. ¿Achike ta k'a xtitzijon ri ruruwaq'ijaj rija'?

Wuj Richin Bix Chire ri Dios 9:14

keri' yin xkitikir xtinq'alajirisaj chuchi' ri Jerusalem, chi xaxe rat ruk'amon niya'ox aq'ij, chiri' k'a xkikikot-wi yin, roma kan in akolon.