Wuj Richin Bix Chire ri Dios 89:4 - Kaqchiquel Bible

⁴ Xabij chi kan richin k'a q'asen xajikiba' ri rijatzul. y ri rajawaren kan jantape' k'a xtibe pa jotol.

Wuj Richin Bix Chire ri Dios 89:4 ပူးပေါင်းရင်းမြစ်များ

Wuj Richin Bix Chire ri Dios 132:12

Chuqa' xabij chi wi ri ralk'ual nikitaqej ri jikibel-tzij ri', rije' chuqa' kan xketz'uye' jantape' chupan ri tz'uyubel richin ri q'atbel-tzij ri'.

1 Crón 22:10

Y ri Dios chuqa' xubij chi ja rija' ri xtipaban-q'anej jun jay pa rubi' ri Dios. Rija' kan xtok ruk'ajol ri Dios y ri Dios xtok rutata'; y kan xtujikiba' ri ruq'atbal-tzij richin q'asen pa ruwi' re ruwach'ulew Israel. Keri' xubij ri Jehová chuwe.

1 Rey 9:5

yin xtinjikiba' ri aq'atbel-tzij pa ruwi' ri ruwach'ulew Israel richin q'asen achi'el ri xinbij chire ri David ri atata'. Wi keri' kan beneq k'a ruwech xtik'oje' jun chike ri awijatzul chupan ri q'atbel-tzij richin Israel.

Apocalipsis 22:16

Yin Jesús, nutaqon k'a ri nu-ángel richin nuq'alajirisaj ronojel re' chiwech rix ri molaj nimanela'. Ja yin k'a ri in riy-rumam kan ri rey David ri k'o chi xtipe. Ja yin chuqa' ri achi'el nima-ch'umil ri niyik'lun nimaq'a-yan, xcha'.

Romanos 15:12

Y ri Isaías rutz'iban kan chuqa':*f55* K'o jun riy-rumam ri Isaí xtik'oje', y xtok q'atoy-tzij pa kiwi' ri man e judío ta, y ri winaqi' ri' kan xtikoyobej k'a chi nikil utzil rik'in, nicha'.

Wuj Richin ri Zacarías 12:8

Chupan ri q'ij ri' kan xkento' ri aj-Jerusalem ri maneq kuchuq'a', richin xtik'oje' kuchuq'a' achi'el xk'oje' rik'in ri David ojer kan. Y ri rajawaren kan xtik'oje' k'a uchuq'a' rik'in achi'el k'o wik'in yin, y achi'el xa ta ri nu-ángel.

Wuj Richin Bix Chire ri Dios 89:36

Ri rijatzul kan xtiq'aton-tzij richin q'asen. Ri rajawaren kan xtiyaloj k'a achi'el ri q'ij;

Wuj Richin Bix Chire ri Dios 89:29

Jantape' xtik'oje' jun rijatzul chupan ri rajawaren. Y ri rajawaren kan xtinjikiba' pa ruq'a' tibe-q'ij tibe-seq.

Wuj Richin Bix Chire ri Dios 89:1

Kan jantape' k'a xtinbixaj ri awutzil rat Jehová. Kan xtintzijoj chike ri chi wiq chi tanaj winaqi', chi man oj amalin ta kan.

Wuj Richin Bix Chire ri Dios 72:17

Ri rubi' ri rey xtik'oje' jantape'; ri utzilej rutzijol kan man xtik'is ta, achi'el ri q'ij man nik'is ta. Konojel tzobaj winaqi' richin re ruwach'ulew xtikik'ul urtisanik pa ruq'a' rija', konojel xtikibij chi rija' kan jebel ruwa-ruq'ij.

2 Sam 7:29

Tabana' utzil taya' urtisanik pa ruwi' ri wijatzul richin chi xtik'oje' jantape' chawech, roma kan ja rat Jehová k'iytisanel richin ronojel ri xabin. Y rik'in ri awurtisanik rat, ri wijatzul xtuk'ul urtisanik richin jantape', xcha'.

1 Crón 28:4

Jak'a man rik'in ri' ri Jehová ri qa-Dios xirucha' yin chikikojol ri ek'o pa rachoch ri nata' richin xirukusaj kan rey, y ri wijatzul richin jantape'. Rija' xucha' ri qatzobaj Judá richin ja tzobaj ri' ri xtiq'aton-tzij; y chukojol ri qatzobaj xucha' ri aj pa rachoch ri nata'; y chikikojol ri wach'alal xirucha' yin, richin chi xinok rey pa ruwi' chijun re ruwach'ulew Israel.

Wuj Richin Bix Chire ri Dios 89:50

Tatz'eta' chi yin kan jantape' niya'ox nuk'ix. Ronojel re ch'abel re' kan kiya'on q'axo'n pa wánima.

Wuj Richin Bix Chire ri Dios 132:11

Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re' rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.