Wuj Richin Bix Chire ri Dios 89:2 - Kaqchiquel Bible

² Xtintaluj k'a rubixik chi ri awajowabal rat kan richin q'asen, ri nabij rat chi naben, kan man xtijalatej ta. Kan man nujel ta ri', achi'el ri kaj ri kan ja ruwech jantape'.

Wuj Richin Bix Chire ri Dios 89:2 ပူးပေါင်းရင်းမြစ်များ

Wuj Richin Bix Chire ri Dios 36:5

Jak'a ri awajowabal rat Jehová kan nunojisaj ronojel. Ri awutzil kan nuq'i' k'a chijun ri kaj.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Wuj Richin Bix Chire ri Dios 103:17

Jak'a ri rujoyowanik ri Jehová, pa kiwi' ri k'o rukiy chikiwech, kan richin tibe-q'ij tibe-seq. Y ri ruchojmilal ri nuben kan niyaloj richin jantape'.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Wuj Richin Bix Chire ri Dios 89:37

kan achi'el ri ik' ri jantape' k'o; keri' xtik'oje' rokik k'o ri kaj, xacha' rat Jehová.

Wuj Richin Bix Chire ri Dios 89:5

Nimalej Jehová, chila' chikaj nak'axatej nimaq'ij roma ri nima'q taq banobel ri ye'aben rat. Ri aj-chikajil kan nikiya' aq'ij roma kan naben ri asujun.

Wuj Richin ri Nehemías 9:31

Jak'a man rik'in ri', rat xajoyowaj kiwech y man xe'ak'is ta, y chuqa' man xe'amalij ta kan, roma rat at jun Dios ri k'o koch'onik y joyowanik awik'in.

Wuj Richin Bix Chire ri Dios 146:6

Roma ja rija' xbanon ri kaj y ri ruwach'ulew, xuben chuqa' ri palou y ronojel ri ek'o chupan; ri kan jantape' nuben ri nubij.

Wuj Richin Bix Chire ri Dios 119:89

Nimalej Jehová, ri ach'abel kan richin q'asen. Kan richin jantape' ajikiban chila' chikaj.

Wuj Richin Bix Chire ri Dios 42:1

Achi'el ri masat nrajo' nril jun raqen-ya' richin nuqum ruya', keri' k'a yatinkanoj rat, nu-Dios yin.

Wuj Richin ri Nehemías 9:17

Rije' man xkajo' ta xatkak'axaj y man xoqaqa ta chikik'u'x ri meyel taq banobel ri xaben kik'in rije'. Y roma xkikowirisaj ri kánima, xkikanoj jun uk'uey kibey richin yetzolin chik kan pan ilinri'il chiri' pan Egipto. Jak'a rat at Dios ri nakuy ri mak, y man chi'anin ta k'a nipe awoyowal y kan janila najoyowaj kiwech y janila k'a ajowabel k'o awik'in y nim k'a ri awánima y roma ri' man xe'amalij ta kan,

Wuj Richin ri Nehemías 1:5

Y xinbij k'a chire: Nink'utuj utzil chawe Jehová, Dios ri rajaw ri kaj, ri k'o janila awuchuq'a', y naben chiqe chi niqamey ronojel ri naben y kan k'o akiy. Y chuqa' kan man namestaj ta ri atzij ri xajikiba', y najoyowaj k'a kiwech ri ye'ajowan awichin y ri nikitaqej ri apixa';

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Wuj Richin Bix Chire ri Dios 40:11

Jehová, tabana' utzil man naq'et ri awutzil pa nuwi' yin. Man yinamalij kan, y ri awajowabal chuwe kan man ta xtik'is.