Wuj Richin Bix Chire ri Dios 88:16 - Kaqchiquel Bible

¹⁶ K'iy k'a mul yakatajineq awoyowal chuwij, y kan yijitz'atej roma xibinri'il.

Wuj Richin Bix Chire ri Dios 88:16 ပူးပေါင်းရင်းမြစ်များ

Apocalipsis 6:17

Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Romanos 8:32

¿Kan k'o ta kami ri man utz ta ri nuya-pe chiqe? Man jun; roma rija' man xupoqonaj ta k'a xuya-pe ri kan Ruk'ajol richin chi xken qoma qonojel roj.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Wuj Richin ri Isaías 53:8

Kan xkichop-el y xuk'uex richin nikamisex, y kan man jun rijatzul ri xk'oje'. Kan xkelesaj-el ruk'aslen chuwech re ruwach'ulew, y xa roma ri qayakatajinenri'il, rija' xsokotej.

Wuj Richin Bix Chire ri Dios 102:10

Ronojel re' nink'owisaj roma ri awoyowal ri yakatajineq chuwij. Rat xinachop richin xinak'eq pan ulew.

Wuj Richin Bix Chire ri Dios 90:11

¿Achike ta k'a wineq ri retaman ri retabal ri awoyowal rat, ri awoyowal ri kan ruk'amon chi niqak'en rukiy?

Wuj Richin Bix Chire ri Dios 90:7

Rik'in ri awoyowal yojak'is. Roj kan nisach qak'u'x toq rat niyakatej awoyowal.

Wuj Richin Bix Chire ri Dios 89:46

Nimalej Jehová, ¿kan jantape' kami xtawewaj-awi'? ¿Jantape' kami xtik'a'on ri awoyowal achi'el nuben ri q'aq'?

Wuj Richin ri Achin Job 30:15

Y jari' toq xpe jun nimalej xibinri'il chuwe y xusech nuk'u'x y ri nuq'ij ri k'o, xa xq'ax-el, achi'el toq nijumin niq'ax ri kaq'iq'; ronojel ri nubeyomel ri kan jebel beneq chinuwech, xa xbe achi'el niyakatej-el ri sutz'.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.