Wuj Richin Bix Chire ri Dios 88:11 - Kaqchiquel Bible

¹¹ Ri awajowabal man jun bey xtinatex chupan ri jul muqbel kamineq; chupan ri jul ri' man ninatex ta chik chi rat man yojamalij ta kan.

Wuj Richin Bix Chire ri Dios 88:11 ပူးပေါင်းရင်းမြစ်များ

2 Pedro 2:1

Ri ojer kan, chikikojol ri nuwinaq judío xek'oje' q'alajirisanela' ri xa man e qitzij ta. Y keri' k'a chuqa' chi'ikojol rix xkebek'ulun-pe winaqi', xtikiben chi ja ri ruch'abel ri Dios ri nikik'ut, jak'a xa man qitzij ta. Y re' xaxe richin nuyoj kich'obonik ri winaqi'. Re tijonela' re' man xtikinimaj ta chi ri ajaw xken richin xutoj ri kimak. Keri' xa pa kiwi' rije' nikoyoj-wi ri tijoj-poqonal.

Romanos 9:22

Keri' ri Dios xrajo' xuk'ut ri ruchuq'a' y ri royowal pa kiwi' ri winaqi' ri xkeberuk'isa'. Jak'a pa nabey janila xukoch' ri itzel taq kibanobal.

San Mateo 7:13

Kixok k'a chupan ri okibel richin ri bey ri janila latz'. Roma xa kan nim ruwech ri okibel ri rubey ri itzel k'aslen, y ri bey ri nik'amon-pe ri kamik janila nim ruwech; y e janila k'a winaqi' ri ye'ok ri chiri'.

Wuj Richin Etamabel-Tzij 15:11

Ri akuchi yemuq-wi ri kaminaqi' y ri akuchi ye'apon-wi chuqa', kan tik'il k'a pa ruwech ri Jehová. y más kan pa ruwech rija' ek'o-wi, ronojel ri k'o pa taq kánima konojel ri winaqi'.

Wuj Richin Bix Chire ri Dios 73:18

Kan qitzij na wi chi rat Jehová kan e aya'on k'a re itzel taq winaqi' re' chuwa-liq'. Xa xtaben k'a chike chi xkebetzaq y xkek'is chiri'.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Wuj Richin ri Achin Job 26:6

Ri Dios kan jebel e rutzuliben ri jul ri akuchi yemuq-wi ri kaminaqi', kan man ewatel ta chuwech rija' ri akuchi yebek'is-wi kan ri kaminaqi'.

Wuj Richin ri Achin Job 21:30

chi ri wineq banoy etzelal kan jebel nitz'et, roma toq k'o ruk'ayewal man jun nuk'uluwachij; y toq ri Dios nuteq-pe ruk'ayewal roma ri royowal, ri wineq banoy etzelal xa nikolotej chuwech ri'.

Wuj Richin Bix Chire ri Dios 6:6

Yin kan xirijix yan k'a roma oq'ej. Ronojel aq'a' janila yinoq' pa nuwarabel. Kan xch'eqe' yan k'a ri nuch'at rik'in ri ruya'al runaq'-nuwech.

Wuj Richin ri Isaías 26:19

Jak'a ri qakaminaq kan xkebek'ase' chik pe jun bey. Tabana' utzil chi xkebeyakatej ta chik pe jun bey. Ke'ak'asoj chik pe richin xkebixan rik'in kikoten. Ri raxq'ab ri naya-pe, nuya' ruk'aslen ri ulew, y keri' chuqa' xtaben kik'in ri kaminaqi' xtaya' k'ak'a' kik'aslen.

Ez 37:3

K'ari' xuk'utuj chuwe wi ri chaqi'j taq baq ri' nik'oje' chik kik'aslen. Y yin xinbij k'a chire: Wajaw, kan xaxe rat at etamayon ronojel re', xicha'.