Wuj Richin Bix Chire ri Dios 86:2 - Kaqchiquel Bible

² Tabana' chuwe chi man jani yiken, roma yin kan man at numalin ta kan. Kinakolo' k'a roma nukuquban nuk'u'x awik'in.

Wuj Richin Bix Chire ri Dios 86:2 ပူးပေါင်းရင်းမြစ်များ

Wuj Richin Bix Chire ri Dios 4:3

Tiwetamaj k'a chi ri Jehová e rucha'on ri choj kik'aslen chuwech rija'. Roma ri' kan xtrak'axaj toq yin xkich'on rik'in.

Wuj Richin Bix Chire ri Dios 25:2

Nu-Dios yin, kan nukuquban nuk'u'x awik'in. Kan man jun bey ta k'a yik'ixbitej. Kan man taya' q'ij chi ri e etzelanel wichin yekikot chuwij.

San Juan 17:11

Loq'olej nata' Dios, yin yitzolin k'a el awik'in. Jak'a rije' kan k'a yek'oje' na kan chuwech re ruwach'ulew, roma ri' ke'achajij k'a re winaqi' re' rik'in ri uchuq'a' ri k'o pan abi', y xaya' chuwe yin. Keri' rije' kan junan ta k'a kiwech y jun ta k'a nikiben, achi'el qabanon roj.

Wuj Richin Bix Chire ri Dios 119:94

Tabana' utzil kinakolo', roma yin kan in awichin rat. Yin kan jantape' k'a nutaqen-pe ri apixa'.

Wuj Richin Bix Chire ri Dios 31:1

Awik'in k'a rat Jehová, nukuquban-nuk'u'x, roma ri' man taya' q'ij richin nisach nuk'u'x. Kinakolo' rik'in ri ruchojmilal ri naben rat.

Wuj Richin Bix Chire ri Dios 18:19

Ja ri Jehová xikolon y xiruya' ri akuchi kan janila jebel. Roma kan janila yirajo' xirelesaj chupan ri ruk'ayewal.

Wuj Richin Bix Chire ri Dios 16:1

Nu-Dios yin, tabana' utzil kinachajij, roma kan nukuquban nuk'u'x awik'in.

Wuj Richin Bix Chire ri Dios 13:5

Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

Romanos 9:18

Y keri', niqatz'et k'a chi rik'in ri Dios k'o-wi chi nujoyowaj ruwech jun wineq o wi xa nukowirisaj ri ránima chupan ri itzel ruk'aslen.

San Juan 12:26

Wi k'o k'a jun ri nrajo' chi yin yinok rajaw, tipe k'a wik'in. Y ri akuchi ink'o-wi yin, kan chiri' k'a xtik'oje-wi ri nusamajel. Y wi rija' xtuben ri nusamaj, xtinimirisex k'a ruq'ij roma ri nata'.

Wuj Richin Bix Chire ri Dios 143:12

Roma ri awajowabal pa nuwi', xke'akamisaj ta k'a ri e etzelanel wichin. Konojel ri nikajo' yinkikamisaj kan ta xke'ak'is roma yin kan in asamajel.

Wuj Richin Bix Chire ri Dios 50:5

Ri Dios xtuteq rubixik chi tikimolo-ki' ri winaqi' ri e ruch'aron rija', ri xkiben jikibel-tzij rik'in rija' toq xkisuj kamelabel.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

Wuj Richin Bix Chire ri Dios 31:14

Jak'a yin kan nukuquban nuk'u'x awik'in rat Jehová, roma kan ja rat at nu-Dios.

1 Sam 2:9

Rija' nuchajij ri rubinibal ri rukuquban ruk'u'x rik'in, y jak'a ri e itzel taq winaqi' kan xkek'is pa q'equ'm. Y man jun xtich'akon, wi ja ri ruchuq'a' rija' xtukusaj.