Wuj Richin Bix Chire ri Dios 86:13 - Kaqchiquel Bible

¹³ Roma ri ajoyowanik rat kan janila nim pa nuwi' yin, kan in akolon chuwech ri muqbel kamineq.

Wuj Richin Bix Chire ri Dios 86:13 ပူးပေါင်းရင်းမြစ်များ

San Lucas 1:58

Toq ri e rachk'uljay y ri e rach'alal xkak'axaj chi ri Dios xuya' ri rutzil pa ruwi' y xujoyowaj ruwech, kan janila xekikot rik'in.

Wuj Richin Bix Chire ri Dios 56:13

Roma xinakol chuwech ri kamik y xinajech'ej chuwech ri pikbel, richin chi yibiyin chuwa saqil chawech rat.

Wuj Richin Bix Chire ri Dios 116:8

Ri Jehová kan xirukol k'a chuwech ri kamik. Xuya' wuchuq'a' richin man xinoq' ta chik. Y xuya' ruchuq'a' ri waqen richin man xijilijo' ta.

Wuj Richin Bix Chire ri Dios 57:10

Ri ajoyowanik rat, kan janila nim ri kan niberuq'i' ri kaj, kan napon k'a rik'in ri sutz' ri asujun chiqe.

Wuj Richin ri Achin Job 33:28

Pa ruk'exel ri' kan xirukol chuwech ri kamik, y wakami k'a nintzu' na re saqil, xticha'.

1 Tesalonicenses 1:10

Y chuqa' nikitzijola' chi iwoyoben ri q'ij toq ri Jesucristo, ri Ruk'ajol ri Dios, xtipe chik jun bey. Rija' xk'astej-pe chikikojol ri kaminaqi' roma ri ruchuq'a' ri Dios. Y chuqa' iwetaman chi ja rija' ri xqojkolon chuwech ri ruk'ayewal ri xtipe.

Wuj Richin Bix Chire ri Dios 30:3

Kan xinakol k'a chuwech ri kamik. Xasipaj chik k'a nuk'aslen, richin chi man xibemuq ta kan.

Wuj Richin Bix Chire ri Dios 16:10

Jehová, rat kan man xtaya' ta k'a kan ri wánima chupan ri muqbel kamineq. Man xtaya' ta k'a q'ij chi ri ruch'akul ri acha'on xtichuwir-qa chiri'.

Wuj Richin Bix Chire ri Dios 88:6

In aya'on k'a chupan jun jul ri kan janila nej qajineq, chupan q'equ'm ri kan nej beneq-wi.

Wuj Richin ri Achin Job 33:24

Ri ángel ri' kan xtubij k'a chire ri Dios chi tujoyowaj ruwech, y man tuya' q'ij chi nibe chupan ri jul richin kamineq, roma xa k'o chik ri nitikir nikolon richin chuwech ri kamik ri'.

Wuj Richin ri Isaías 38:17

Xintej poqon richin yik'ase' pa ruchojmilal. Rat kan yinawajo', y roma ri' xaya' chik nuk'aslen. Roma ri awajowabal xakuy ronojel ri numak.

Wuj Richin ri Achin Job 33:18

Richin chi man napon yan chupan ri jul richin kamineq, y richin chi nukol chuwech ri kamik.

Wuj Richin ri Achin Job 33:22

Ri ránima kan jari' ninaqajub-apo chire ri jul richin kamineq, kan ninaqajub k'a apo chire ri kamik.

Wuj Richin Bix Chire ri Dios 108:4

Ri ajoyowanik rat Jehová kan más nim chuwech ri kaj. Ronojel ri naben kan nuq'i' ri kaj.

Wuj Richin Bix Chire ri Dios 30:4

Tibixaj k'a rubi' ri Jehová, rix ri ix ch'aron chik. Tiya' k'a ruq'ij ri loq'olej rubi'.