Wuj Richin Bix Chire ri Dios 86:12 - Kaqchiquel Bible

¹² Kan rik'in ronojel wánima xtinbixaj ri abi' Jehová, nu-Dios yin. Kan xtinnimirisaj k'a aq'ij tibe-q'ij tibe-seq.

Wuj Richin Bix Chire ri Dios 86:12 ပူးပေါင်းရင်းမြစ်များ

Deut 6:5

Kan tiwajo' k'a ri Jehová ri qa-Dios rik'in ronojel iwánima y rik'in ronojel ik'u'x, chupan chijun ri ik'aslen.

Romanos 15:6

Y keri', jantape' ta k'a junan iwech niya' ruq'ij-ruk'ojlen ri Dios ri rutata' ri qajaw Jesucristo.

1 Corintios 6:20

Rix kan xixloq' yan k'a roma ri Dios. Roma ri' kan tiya' ruq'ij-ruk'ojlen rik'in ri ich'akul y rik'in ri i-espíritu ri kan e richin chik rija'.

Efesios 5:19

Tipixabala-iwi' rik'in ri ch'abel ri kik'uan ri jalajoj kiwech bix. Y kan kixbixan k'a richin tiya' ruq'ij ri Dios.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

Wuj Richin ri Isaías 12:1

Chupan k'a ri q'ij ri' rix nuwinaq xtibij: Xtiqabixaj k'a abi' rat Jehová. Stape' xpe awoyowal chiqe, jak'a re wakami xa xq'ax yan, y maneq chik janila q'axo'n qik'in.

Wuj Richin Bix Chire ri Dios 104:33

Kan chijun k'a ri nuk'aslen xkibixan chire ri Jehová. Kan chire k'a ri nu-Dios xtinya-wi ri nubix rokik in k'es.

Wuj Richin Bix Chire ri Dios 9:1

Jehová, kan ninya' aq'ij rik'in ronojel wánima. Kan xtintzijoj k'a ronojel ri meyel taq abanobal.

1 Crón 29:13

Roma ri', qa-Dios, roj niqamatioxij chawe, y niqabixaj ri nimalej abi' ri k'o ruq'ij-ruk'ojlen;

Wuj Richin Bix Chire ri Dios 34:1

Xtinnimirisaj k'a ruq'ij ri Jehová jantape'. Ri bix richin rija', jari' ri xtinbixaj beneq ruwech.

1 Crón 29:20

Y xeri', ri rey David xch'on kik'in ri winaqi' y xubij: Wakami ja rix xkixya'on ruq'ij-ruk'ojlen ri Jehová ri qa-Dios, y ri ki-Dios ri qati't-qamama', xcha'. K'ari' ri winaqi' kexukuk xeqaqa-qa pan ulew richin xkiya' ruq'ij ri Dios y ri rey.

Hechos 8:36

Jak'a toq xe'apon ri akuchi k'o ya', ri achin ri' xubij k'a chire ri Felipe: Wawe' k'o ya'. ¿K'o ta kami ri nibanon chuwe chi yin man ta utz chi niqasex-ya' pa nuwi'?, xcha'.*f21*

Wuj Richin Bix Chire ri Dios 9:2

Kan xkikikot y xkinimaq'ijun awik'in rat. Kan xtinbixaj ri abi', rat ri atk'o pa ruwi' ronojel.