Wuj Richin Bix Chire ri Dios 86:1 - Kaqchiquel Bible

¹ Jehová, tabana' utzil taya' axikin chuwe y kinawak'axaj, yin kan in poqonatajineq, y k'o k'atzinel chuwe.

Wuj Richin Bix Chire ri Dios 86:1 ပူးပေါင်းရင်းမြစ်များ

Wuj Richin Bix Chire ri Dios 31:2

Tabana' utzil kinawak'axaj, y kinakolo' chi'anin. Kinawewaj k'a chikiwech ri e etzelanel wichin achi'el xa ta ninwewaj-wi' chirij jun nimalej abej. Kan ja rat k'a ri at nutobal richin yikolotej.

Wuj Richin Bix Chire ri Dios 40:17

Jak'a yin k'a ink'o na pa q'axo'n, y kan k'a k'o na ri nik'atzin chuwe. Ninwoyobej chi rat nawak'axaj ri nuch'owen. Ja rat at nuto'onel y nukolonel, nu-Dios yin. Y roma ri' kinato' chi'anin.

Dn 9:18

Kan tawak'axaj k'a ri nuch'abel, tatzu-pe ri ruk'uluwachin ri tinamit ri akuchi ninatex-wi ri abi'. Yin nink'utuj re utzil re' chawe man roma ta choj ri qak'aslen chawech, xa kan roma k'a ri ruk'iyal ri ajoyowanik rat.

San Mateo 5:3

Jebel ruwa-kiq'ij ri noqaqa chikik'u'x chi kan nik'atzin ri Dios chupan ri kik'aslen, roma rije' kan ye'ok-wi chupan ri aj-chikajil ajawaren.

Wuj Richin Bix Chire ri Dios 34:6

Yin ri kan in poqonatajineq xisik'in, y kan xinak'axex k'a roma ri Jehová. Y rija' kan xirelesaj k'a chupan ronojel ri tijoj-poqonal.

Santiago 2:5

Wach'alal ri kan yixinwajo', tich'obo' k'a jebel re xtinbij chiwe. Ri Dios ja ri winaqi' ri man jun ok k'o kik'in chuwech re ruwach'ulew ri xerucha' richin yebeyomer rik'in ri kikuqubabel-k'u'x, y nikichinaj ri ajawaren ri rusujun chike ri ye'ajowan richin.

San Lucas 4:18

Ri uchuq'a' richin ri Jehová ri wajaw kan k'o pa nuwi' yin; Kan xiruteq k'a pe richin ninya' utzilej rutzijol chike ri e k'ayewatajineq, richin yetotej ri ek'o pa ximonri'il. Richin nonbij chike chi k'o kolotajik chike rije'. Xitaq-pe richin ninben chike ri moyi' chi yetzu'un y richin yenkol ri winaqi' ri janila nikitej poqon.

Wuj Richin ri Isaías 66:2

Ja yin ri xibanon ronojel re banobel re', y keri' xbanatej. Ja yin Jehová ri yibin. Jak'a yin kan utz xtintz'et ri wineq ri ruqasan-ri', ri nibison ránima toq nimakun, y ri kan nuk'en rukiy ri nuch'abel.

Wuj Richin ri Isaías 37:17

Roma ri' kan jebel k'a taya' axikin rat Jehová, y tawak'axaj. Kan jebel tajaqa' ri runaq' taq awech y tatz'eta'. Tawak'axaj k'a ronojel ri ruch'abel ri Senaquerib, ri rutaqon-pe rubixik richin nuya' ak'ix rat, ri k'aslik Dios.

Wuj Richin Bix Chire ri Dios 142:1

Rik'in ronojel ri wuchuq'a' xkich'on rik'in ri Jehová; kan nink'utuj k'a ri rujoyowanik ri Jehová pa nuwi' yin.

Wuj Richin Bix Chire ri Dios 140:12

Jak'a ri e poqonatajineq, yin wetaman chi rat Jehová kan ye'ato'. Y ri yetz'ilox, naq'et tzij pa kiwi' rik'in ruchojmilal.

Wuj Richin Bix Chire ri Dios 119:22

Kinajech'ej k'a chuwech ri itzel taq kich'obonik ri winaqi' ri', roma yin kan nutaqen-pe ri apixa' rat.

Wuj Richin Bix Chire ri Dios 102:17

Xtawak'axaj ri ruch'owen ri asamajel. Kan xtawak'axaj k'a ri kich'abel ri kan man jun nito'on kichin.

Wuj Richin Bix Chire ri Dios 17:6

Nu-Dios, yin yich'on-q'anej awik'in, roma kan yinawak'axaj. Nink'utuj utzil chawe chi jantape' ta xtawak'axaj ri nuch'abel.

Wuj Richin Bix Chire ri Dios 102:1

Nimalej Jehová tabana' utzil tawak'axaj ri nuch'owen. Toq yin yisik'in-q'anej awik'in kan ta xtawak'axaj.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.

Wuj Richin Bix Chire ri Dios 25:16

Jehová, kinatzu-pe y tajoyowaj nuwech, roma xa kan nuyon ink'o, y kan ink'o pa q'axo'n.