Wuj Richin Bix Chire ri Dios 85:8 - Kaqchiquel Bible

⁸ Yin kan xtinwak'axaj k'a ri xtubij ri Jehová Dios, roma kan nusuj uxlanen chiqe roj ri oj rutinamit y chike ri kan kich'aron-ki' chire rija', richin chi man yetzolej ta chik kan chupan ri etzelal.

Wuj Richin Bix Chire ri Dios 85:8 ပူးပေါင်းရင်းမြစ်များ

Wuj Richin Bix Chire ri Dios 29:11

Nuya' uchuq'a' chire ri rutinamit, y nrurtisaj rik'in uxlanen.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Wuj Richin ri Zacarías 9:10

Rija' kan xkeruwulaj k'a ri carruaje e richin labal richin ri Israel. Y xkeruk'is k'a ri kiej e richin labal ri ek'o pa Jerusalem. Y xkeruk'is chuqa' ri ch'ab ri yekusex pa labal. Rija' kan xtrelesaj ronojel oyowal pa taq ruwach'ulew. Rija' xtuq'et-tzij chupan chijun ruwach'ulew; xtitiker-el chuchi' jun palou, xtapon k'a chuchi' jun chik palou, xtitiker-el chuchi' ri raqen-ya' Éufrates, y xtapon k'a pa ruk'isibel chire re ruwach'ulew.

2 Timoteo 2:19

Jak'a roj ri qakuquban qak'u'x rik'in ri Dios, rija' rubanon chiqe achi'el jun jay ri yalan utz ri ruxe'. Y chuwech ri ruxe' ri' tz'ibatajineq chik kan chi ri Dios retaman kiwech ri e richin chik rija', y chuqa' chi konojel ri e richin chik rija', tikich'ara-pe-ki' chire ri etzelal.

Wuj Richin ri Habacuc 2:1

Yin kan xtinwoyobej k'a y xtinchajij, achi'el nuben jun chajinel toq nichajin, richin ninwetamaj ri achike xtibix chuwe, y achike xtibix pa ruwi' ri nusujunik.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

Wuj Richin Bix Chire ri Dios 130:4

Jak'a awik'in rat kan k'o k'a ri kuyubel-mak, y roma ri' kan ninimirisex k'a aq'ij.

Wuj Richin ri Rutikeribel 34:7

Ri e ruk'ajol ri Jacob xetzolej-pe pa juyu', jari' toq xketamaj, y rije' janila xyakatej koyowal roma kan janila itzel xuben ri Siquem chikikojol ri e rijatzul ri Israel, roma xuqasaj ruq'ij ri rumi'al ri Jacob, ri kan man ruk'amon ta chi nibanatej keri'.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

2 Tesalonicenses 3:16

Qach'alal, ri Jesucristo ri niya'on uxlanen, xtuya' ta k'a uxlanen pa taq iwánima richin jantape', chupan xabachike ri nik'uluwachij. Y xtik'oje' ta k'a iwik'in chi'iwonojel.

Efesios 2:17

Toq xpe ri Cristo, xoruya' ri utzilej rutzijol ri uxlanibel-k'u'x chike ri winaqi'.*f2* Xubij re' chiwe rix ri k'a nej ixk'o-wi chire ri Dios, y xubij chuqa' chiqe roj ri kan naqaj ojk'o chire rija'.

Gálatas 4:9

Jak'a re wakami, kan iwetaman chik ruwech ri Dios. O más utz ninbij chi ja ri Dios ri etamayon chik iwech rix. ¿Achike k'a roma toq rix niwajo' chik nisamajij ri jalajoj ruwech pixa' richin ri ruwach'ulew?

Hechos 10:36

Chiqakojol k'a roj judío xorutzijoj-wi-qa chi nuteq pe ri Jesucristo wawe' chuwech re ruwach'ulew, y rija' ri qajaw qonojel roj winaqi'. Y re ch'abel re' xoruya-qa kolotajik y uxlanen pa taq qánima.

Hechos 3:26

Roma ri' ri Dios xuteq-pe ri Jesús ri ruk'ajol richin yojrurtisaj. Xuben ronojel re' richin keri' chiqajujunal niqaya' ta kan rubanik ri mak, xcha' ri Pedro.

San Juan 20:26

Waqxaqi' yan k'a q'ij ri' toq ri tijoxela' xkitz'et ri Jesús. Rije' kan kimolon chik k'a ki' jun bey, kitz'apen k'a ki' pa jay y k'o k'a ri Tomás kik'in. Jari' k'a toq ri Jesús xapon chik pa kinik'ajal y xubij chike: Ja ta k'a ri uxlanen xtik'oje' pa taq iwánima chi'iwonojel, xcha'.

San Juan 20:19

Toq xok k'a pe ri aq'a' chupan ri q'ij ri', ri tijoxela' kimolon-ki' pa jun jay, jak'a kan e kitz'apelon k'a ri ruchi' ri jay ri ek'o-wi, roma rije' kan kixibin-ki' chikiwech ri achi'a' ri kan k'o kiq'ij. Y jari' k'a toq xkitz'et ri Jesús pa kinik'ajal. Y xubij chike: Ja ta k'a ri uxlanen xtik'oje' pa taq iwánima chi'iwonojel, xcha'.

San Juan 8:11

Y ri ixoq ri' xubij: Man jun wajaw, konojel xebe, xcha'. Ri Jesús xubij k'a chire: Yin chuqa' man ninbij ta chi yakamisex. Wakami k'a katzolin y man chik kamakun, xcha'.]*f10*

San Juan 5:14

K'a juba' ri' ri Jesús xberila' chik ri achin ri' pa rachoch ri Dios, y xubij chire chi man chik timakun, richin man nipe ta chik jun yabail ri más k'ayew chirij.

Wuj Richin ri Hageo 2:9

Ri ruka'n rachoch kan más k'a jebel xtiban chire chuwech ri nabey. Y chupan ri jay ri', rija' xtuya' uxlanibel-k'u'x, nicha' ri Jehová ri k'o ronojel uchuq'a' pa ruq'a', xcha' ri Hageo.

Wuj Richin ri Isaías 57:19

Kan xtinben chike chi xketze'en. Kan xtinya' uxlanen kik'in ri ek'o nej; chuqa' kan xtinya' uxlanen kik'in ri ek'o naqaj. Y kan xtinwaq'omaj ri nutinamit. Yin Jehová ri yibin.

Wuj Richin Etamabel-Tzij 25:11

Ri ch'abel ri kan pa ruq'ijul yebix-wi, kan janila rejqalen. Kan achi'el ruwachibel jun manzana ri banon rik'in q'anapueq y chapon rik'in saqipueq.

Wuj Richin Bix Chire ri Dios 50:5

Ri Dios xtuteq rubixik chi tikimolo-ki' ri winaqi' ri e ruch'aron rija', ri xkiben jikibel-tzij rik'in rija' toq xkisuj kamelabel.

Wuj Richin Etamabel-Tzij 27:22

Jun wineq ri xa maneq runa'oj, stape' kan niq'ututex, man nichojmir ta.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.