Wuj Richin Bix Chire ri Dios 85:7 - Kaqchiquel Bible

⁷ Nimalej Jehová, tak'utu' k'a chiqawech ri ajoyowanik ri man k'isel ta, kan taya' k'a ri kolotajik chiqe.

Wuj Richin Bix Chire ri Dios 85:7 ပူးပေါင်းရင်းမြစ်များ

Wuj Richin Bix Chire ri Dios 91:16

Xtinya' k'a k'iy q'ij ruk'aslen chuwech re ruwach'ulew. Y kan xtink'ut k'a chuwech ri kolotajik ri ninya'.

Wuj Richin Bix Chire ri Dios 50:23

Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Wuj Richin ri Jeremías 42:12

Yin xtinjoyowaj iwech y xtinben chi rija' chuqa' xtujoyowaj iwech y xtuya' q'ij chiwe chi xkixtzolin pan iruwach'ulew. Kere' nubij ri Dios.

Wuj Richin ri Jeremías 33:10

Yin Jehová kere' ninbij: Rix nibij chi chupan re tinamit re' kan man jun chik wineq k'o, ni chikop. Pa taq tinamit richin Judá y pa taq bey richin Jerusalem xa kan tolan chik.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.