Wuj Richin Bix Chire ri Dios 85:6 - Kaqchiquel Bible

⁶ ¿Kan man naya' ta chik kami ri qak'aslen, richin chi roj ri oj atinamit yojkikot chik awik'in?

Wuj Richin Bix Chire ri Dios 85:6 ပူးပေါင်းရင်းမြစ်များ

Wuj Richin ri Habacuc 3:2

Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

Wuj Richin Bix Chire ri Dios 80:18

Roj kan man xtiqach'er ta chik kan qi' awik'in rat; taya' chik qak'aslen, y roj kan jantape' xqojch'on awik'in.

Wuj Richin ri Isaías 57:15

K'ari' xch'on ri k'o nim ruq'ij, ri k'o chila' chikaj, y rija' rubini'an Loq'olej. Y rija' nubij: Ri akuchi ink'o-wi yin kan janila nej, y kan janila loq'olej. Jak'a chuqa' ink'o rik'in ri janila ruqasan-ri', y poqonatajineq, richin ninya' ruchuq'a' ri ránima ri kan janila k'ayewatajineq.

Wuj Richin Bix Chire ri Dios 90:14

Taya' ri awajowabal chiqe ronojel nimaq'a', richin roj xqojbixan y xqojkikot ta ronojel q'ij chire ri qak'aslen.

Os 6:2

Chirij ri tijoj-poqonal kan xtuya' chik qak'aslen. Kan xqojruyek chik richin xqojk'ase' jantape' chuwech rija'.

Wuj Richin Bix Chire ri Dios 71:20

Rat xabanon chuwe chi xinq'axaj bis y ruk'ayewal, Jak'a kan xtaya' chik ri nuk'aslen y xkinayek chik el chuxe' ri ulew.

Wuj Richin Bix Chire ri Dios 53:6

¡K'ate' ta chiri' pa juyu' Sión xtipe-wi ri qakolotajik! Toq ri Dios xtuben chi xtitzolin-pe ri rutinamit pa ximonri'il, jari' toq xqojkikot roj ri oj rijatzul kan ri Jacob, ri oj rijatzul kan ri Israel.

Wuj Richin Bix Chire ri Dios 138:7

Wi ta yin ink'o pa ruk'ayewal, rat kan yinachajij. Kan xtatzeqej k'a ri aq'a' chikij ri e etzelanel wichin y yinakol.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Wuj Richin Bix Chire ri Dios 149:2

Ri israelita kan kekikot k'a rik'in ri xbanon kichin. Ri aj-Sión, kan kekikot k'a rik'in ri ki-rey.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 77:8

¿Kan xk'is kami ri rajowabal ri man k'isel ta? ¿Kan xk'is kami chiri' jumul ri rusujun chuwe?

Wuj Richin ri Jeremías 3:5

Nik'utula' k'a. ¿Kan beneq kami ruwech xkatoyower qik'in? ¿Kan man ta k'a xtik'is ri awoyowal richin jantape'?, xixcha'. Y rokik nibij re ch'abel re', yixtajin chubanik ri etzelal, xcha' ri Dios.